Sipas iniciativës së Presidentit Rumen Radev në Sofje po zhvillohet takim mbi zbatimin e masave për kufizimin e përhapjes së koronavirusit në Bullgari. Në të marrin pjesë Kryeministri Bojko Borisov, zv.Kyreministri Tomisllav Donçev, Ministri i shëndetësisë Kirill Ananiev, Ministri i punëve të brendshme Mlladen Marinov, Shefi i shtabit operativ për parandalimin e COVID-19 gjen. Vencisllav Mutafçijski.

Presidenti u bëri thirrje qytetarëve të tregojnë mirëkuptim në këtë situatë të ndërlikuar. Ai tha se ka efekt pozitiv nga përpjekjet e autoriteteve dhe tani për tani përhapja e sëmundjes nuk është shumë e madhe. Ai i falënderoi bullgarët për këtë se respektojnë masat e përcaktuara nga institucionet.

Radevi nënvizoi se ndodhemi përpara një krize sociale dhe ekonomike, e cila mund të bëhet dhe humanitare për mijëra bullgarë. “Shteti po punon në këtë drejtim me qëllim që të mos lejojmë një gjë të tillë” – janë fjalët e Presidentit.