Ministria e Punës dhe Politikës Sociale përkrah një “hackathon” 48 orësh për përpunimin e ideve dhe projekteve për përballimin e pasojave ekonomike të COVID-19 në Bullgari. Forumi do të zhvillohet gjatë fundjavës. Organizatori është Power of BG, i cili përfshin mbi gjysmën e IT kompanive në vend. “Hackathon”-i është i hapur për të gjithë. Çdonjëri që dëshiron mund të regjistrohet për pjesëmarrje në adresën https://hackcrisis.bg/ bëri të ditur Ministria. Në kanalin Looking_for_team të platformës SLACK pjesëmarrësit do të mund të gjejnë shoq skuadre dhe të punojnë së bashku mbi ide dhe projekte në kategoritë “Shpëto jetët”, “Shpëto bashkësitë dhe grupet e njerëzve” dhe “Shpëto bizneset”. Sipërmarrës të mëdhenj bullgarë do të luajnë rolin e mentorëve dhe do t’u japin këshilla skuadrave.