Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Për bullgarët E Diela e Dafinave është diçka më shumë se e kremte fetare

Foto: Darina Grigorova

Me aromë lulesh dhe me blerim të butë që sapo ka mbuluar tokën dhe pemët, e kremtja e krishtere e Hyrjes së Zotit në Jerusalem është ndër festat më të dashura për bullgarët. I është kushtuar pritjes solemne të Birit të Zotit në Jerusalem dhe shënohet gjithmonë të dielën para Pashkëve. Herët në mëngjes të krishterët hyjnë në kishë dhe stolisin me lule dhe gjelbërim ikonat e Jesiu Krishtit dhe Hyjlindëses. Me lutje të posaçme priftërinjtë bekojnë degët e shelgut që kujtojnë për degët, me të cilat fëmijët në Jerusalem e kanë pritur Shpëtimtarin. Pas shërbesës të gjithët çojnë në shtëpi degët e shelgut – për shëndet dhe bereqet.

E Diela e Dafinave shënohet në çdo shtëpi, kurse bullgarët që mbajnë emrat e luleve dhe bimëve festojnë ditën e emrit të vet me miqtë dhe të afërmit.

"Zakonisht e festoj këtë ditë me pak njerëz – pohon Javor, emri i të cilit do të thotë “panjë mali”. – E Diela e Dafinave është një nga festat më të bukura bullgare dhe të krishtere, sepse sjell dritë dhe ngrohtësi. Njerëzit preferojnë të dalin jashtë për ta shënuar, zakonisht në natyrë. Por sivjet do të jetë ndryshe, nuk do ta ndiejmë këtë festë si zakonisht. Pavarësisht se çfarë dëshirojmë të bëjmë, zgjedhja më e mirë është që të mbetemi në shtëpi. Kështu do të përkujdesemi më mirë për shëndetin tonë dhe atë të të tjerëve. Të kemi pak më shumë dhurim, sepse kjo është mënyra e vetme për të dalë më shpejtë nga gjendja e jashtëzakonshme. Në javët që vijojnë kemi të kremte shumë të mëdha – Pashkët, Dita e Shën Gjergjit. Njerëzit zakonisht mblidhen me të afërmit, me miq të shumtë, por sivjet duhet të mbetemi vetëm me familjen tonë”.

Kështu mendon dhe Liljana Beliçeva, e cila sivjet do ta kalojë festën vetëm me bashkëshortin e vet, pavarësisht se zakonisht për të uruar ditën e emrit të saj, në shtëpi vijnë fëmijët dhe nipërit e saj. Ajo përsëri do të jetë me ta, por në mënyrë virtuale për shkak të masave kundër Covid-19. Në këtë ditë të shenjtë Liljana uron që sa më shpejtë ta tejkalojmë kulmin e sëmundjes:

"Situata të fillojë të qetësohet dhe në Pashkët të kemi një lajmë shumë të mirë. Nga E Diela e Dafinave deri në Pashkët të ulet numri i të sëmurëve dhe të shtohet numri i të shëruarve, të ketë më shumë njerëz të buzëqeshur, të ketë dritë në shpirtrat e tyre. Sepse Zoti është me ne dhe mbron tërë vendin tonë!”

"E Diela Dafinave është një nga festat më të bukura pranverore, ndoshta sepse festojnë dhe shumë njerëz me emra të bimëve – thotë Violeta Stoeva (emri i saj do të thotë “vjollcë”). Për mua kjo është festa e grave dhe prandaj është aq e dashur. U uroj të gjithëve që të jemi si buqeta lulesh dhe le që secili të tregojë anën e vet më të mirë në këtë ditë festive.

"Tani kur nuk mund të dalim jashtë, le të shikojmë brenda përmes lutjeve tona gjatë së kremtes”, është mesazhi i Jasen Danaillovit:

"Të hyjmë brenda nesh – me lutje me meditim, me praktika të tjera shpirtërore – kjo është sikur të azhurnosh sistemin operativ – thotë ai. Shpresoj se ky “izolim” do të na japë mundësi të bëhemi më të vetëdijshëm për të gjitha gjërat rreth nesh, për ta cilat tani ende nuk kemi shqisa. Ne jemi si robotë, të cilët merren me prerjen e ngjarjeve jetësore, pa pasur mundësi ti drejtojmë ato. Tani kemi kohë të mendojmë, të njohim më mirë njerëzit, me të cilët jetojmë dhe t’i përgjigjemi pyetjes pse kemi lindur në këtë tokë. Urimi im për të gjithë është një – shëndet!”

Të jemi të shëndetshëm është dhe mesazhi i Radio Bullgarisë në festën e ndritshme të krishtere – E Diela e Dafinave.

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD