Radioja Kombëtare Bullgare © 2020 Të gjitha të drejtat janë të rezervuara

Po diskutohen masat në përkrahje të biznesit dhe pas gjendjes së jashtëzakonshme

Foto: pixabay

Çështja për daljen nga kriza e shkaktuar nga Covid-19, po bëhet gjithnjë e më aktuale në Bullgari. Në këtë etapë zgjidhja e saj është e lidhur kryesisht me masa  për të ndihmuar njësitë më të prekura në ekonomi - ndërmarrjet e vogla dhe të mesme. Një konfirmim për këtë është Forumi Kombëtar i Biznesit  2020 i caktuar për sot, dhe i organizuar nga Shoqata e Klubeve të Bashkuara të Biznesit me mbështetjen e Agjencisë Ekzekutive për Inkurajimin e Ndërmarrjeve të Vogla dhe të Mesme. Tema bazë “Masa në mbështetje të ndërmarrjeve të vogla dhe të mesme në periudhën e gjendjes së jashtëzakonshme si dhe pas saj” tregon qartazi se, në rend të ditës tanimë janë veprimet që do të zhvillohen pas gjendjes së jashtëzakonshme në vend, që pritet të përfundojë më 13 maj, por mbase dhe më herët.

Ministrja e punës dhe e politikës sociale Denica Saçeva dje dha të kuptohet se, masat vepruese  që nga muaji mars e këtej në përkrahje të ndërmarrjeve të vogla dhe të mesme  do të mbeten në fuqi dhe pas përfundimit të gjendjes së jashtëzakonshme, deri në mesin e muajit qershor. Me datë të sotme, barra e ruajtjes së punësimit ndahet midis shtetit dhe biznesit në një përkatësi 60 kundrejt 40, por ministrja dha të kuptohet se, kjo mund të ndryshojë në drejtim të një angazhimi më të pakët të biznesit.

Forumi Kombëtar i Biznesit sot do të diskutojë dhe paketën e re të masave të shpallura dy javë më përpara nga i ashtuquajturi Fond i Fondeve. Në mbështetje të grupeve të ndryshme sipërmarrëse dhe shoqërore, në këtë fond shteti ka përqendruar mbi 600 milionë euro/ mbi 1 miliardë e 200 mije leva/. Por, objekt i diskutimit do të jetë dhe përdorimi i resurseve në bazë të programeve, të cilat drejtohen direkt nga Komisioni Evropian dhe Bashkimi Evropian.  

Dje Komisioni Evropian miratoi një propozim të Fondit të Fondeve për lehtësimin e kushteve për përdorimin e instrumenteve financiare në përkrahje jo vetëm të ndërmarrjeve  të vogla dhe të mesme, por dhe të kompanive fillestare. Me këtë vendim afro 150 milionë euro ( përafërsisht 294 milionë leva) tanimë janë në dispozicion të rreth 400 ndërmarrjeve fillestare dhe inovative në sferat e bioteknologjisë, robotikës, teknologjive informative dhe farmacisë në Bullgari.

Aktualisht qeveria qëndron përpara një detyre jashtëzakonisht të vështirë. Nga njëra anë për shkak të kritikave nga ana e opozitës se nuk ka plan për të dalë nga kriza, ajo është e detyruar që të veprojë në mënyrë të rrufeshme. Por, nga ana tjetër veprimet e saj duhet të jenë jashtëzakonisht të matura për shkak të situatës së paparashikueshme jo vetëm kombëtare por dhe ndërkombëtare, të shkaktuar nga pandemia. Për shkak të kësaj pasigurie, dje qeveria miratoi një Program të Konvergjencës të Bullgarisë për periudhën 2020-2023, në të cilin përmbahet nga dhënia e të dhënave konkrete në një plan afatmesëm dhe flet kryesisht për zhvillime të pritura në borxhin dhe deficitin e konsoliduar shtetëror dhe për efektet e supozuara nga masat për kapërcimin e kufizimeve në jetën ekonomike. Në ndryshim nga programi i konvergjencës, masat për daljen nga kriza duhet të jenë kryesisht në një plan afatshkurtër. Cili do të jetë plani i pushtetarëve për daljen nga kriza mbase do të kuptohet shumë shpejt.

Përgatiti në shqip: Nataniela Vasileva

Më shumë nga rubrika

Sektori i bujqësisë është ndër më pak të prekurit nga pandemia

Vlera e shtuar bruto e krijuar në bujqësi, pylltari dhe peshkim në vitin 2019 arriti gati 3.9 miliard levь (rreth 2 miliardë euro), një rritje prej 4.1% krahasuar me 2018. Këtë e tregon analiza në raportin vjetor mbi gjendjen dhe zhvillimin e..

botuar më 20-11-25 4.49.MD

Shkupi ngrin investimet në Centralin Atomik Elektrik “Belene”

Maqedonia e Veriut përkohësisht heq dorë nga investimi në Centralin Atomik Elektrik “Belene” dhe orientohet te centrali grek i gazit në Aleksandrupolis. Këtë e shpalli para një forumi energjetik në Shkup drejtori ekzekutiv i Shoqatës Aksionare..

botuar më 20-11-25 9.41.PD

Bullgaria pa progres të konsiderueshëm në indeksin e të drejtave të pronës

Bullgaria renditet e 55-ta nga 129 vende në indeksin ndërkombëtar "E Drejta e Pronës", njoftoi Instituti për Ekonominë e Tregut. Bullgaria ka 5.72 pikë nga gjithsej 10 dhe është midis Rumanisë dhe Indisë. Krahasuar me vitin 2019, rezultati i..

botuar më 20-11-24 2.20.MD