Ka nevojë për rritjen e kapacitetit të spitaleve për pranimin e pacientëve me Covid-19
Shtabi Operativ Kombëtar kundër koronavirusit shqyrtoi sot gatishmërinë e spitaleve për sigurimin e shtretërve në repartet intensive në rast nevoje. Në sfondin e rritjes së numrit të të sëmurëve nga Covid-19 ditët e fundit specialistët parashikojnë se në rast pranimi të 100 vetave në ditë për mjekim për shkak të koronavirusit sistemi shëndetësor do të ketë vështirësi të mëdha. Spitalet tashmë ankohen se çmimi i shpallur prej 305 eurosh i livruar nga Arka Shëndetësore për hospitalizim t; pacient;ve me Covid-19, është i pamjaftueshëm, sepse mjekimi po vazhdon mesatarisht 14-20 ditë, domethënë dy herë më gjatë sesa është për një pneumoni standarde, ndërsa para daljes së pacientëve nga spitali duhet zhvilluar një sërë testimesh me metodën PCR.
Rritje në rastet e reja të Covid-19 në Bullgari
Gjatë 24 orëve të fundit rastet e reja të Covid-19 në Bullgari janë 140, kurse testimet sipas metodës PCR - 4 525. Këtë e tregojnë të dhënat e Portalit Unik Informativ. Më shumë janë të konfirmuarit në Smoljan – 60 dhe në rrethin e Sofjes – 21. Dje kanë vdekur 4 pacientë me koronavirus. Të shëruarit janë 74. Deri tani numri i përgjithshëm i të regjistruarve me koronavirus te ne është 4 831 veta.
Akoma një javë zgjatet karantina në lagjen “Iztok” të Kjustendillit
Karantina e plotë për lagjen e romëve “Iztok” në qytetin Kjustendill zgjatet deri më 8 korrik. Këtë e shpalli Shtabi i Krizës i Rrethit pas një takimi me inspektorin kryesor shëndetësor prof. asoc. Angell Kunçev. “Masat e ndërmarra tashmë japin rezultat dhe vatra e sëmundjes në lagje tashmë është nën kontroll”, theksoi Kunçevi dhe komentoi se është më mire të investohet në masa për kufizimin e sëmundjes se në testime në masë.
Hiqet karantina për bullgarët që hyjnë në Rumani
Shetatsit e vendeve nga e ashtuquajtura “zonë e gjelbër” për koronavirus,të cilat nuk kanë simptoma të sëmundjes, nuk do të vetizolohen për 14 ditë pas hyrjes në Rumani. Ndër vendet në këtë listë, përfshin dhe Bullgaria hyjnë 22 vende evropiane dhe Islanda. Masa hyn në fuqi në orën 00.00 më 1 korrik. Të gjithë personat që mbërrijnë në Rumani nga shtete që nuk figurojnë në këtë listë janë të detyruar të mbeten nën karantinë 14-ditore.
Zgjatet karantina për ata që hyjnë nga Maqedonia e Veriut
Karantina 14 ditore mbetet për ata që hyjnë në Bullgari nga Maqedonia e Veriut edhe pas 1 korrikut, shpalli kryeinspektori shtetëror i shëndetësisë Angell Kunçev. Me shtetësi të dyfishtë janë më se 15 mijë veta nga Maqedonia e Veriut me vendbanim të përkohshëm në qytetin Kjustendill. Ata shpresuan se kjo masë do të hiqet më 1 korrik. Njerëzit që mbërrijnë nga vendet më të prekura - SHBA-ja, Rusia, Brazili dhe India nuk do të mund të hyjnë në BE, shpjegoi Kunçev.
Kryeministri bëri thirrje për respektimin e masave kundër epidemisë
Sipas Kryeministrit Bojko Borisov rritja e numrit të të infektuarve me Covid-19 është për shkak të grumbullimit të njerëzve në kohën e festave familjare dhe në ndeshjet e futbollit. Ai bëri thirrje për distancë, dezinfektim dhe më në veçanti disiplinë. Bashkimi Evropian akoma nuk ka një politikë të bashkërenduar për hapjen e kufijve për turizëm, shtoi Kryeministri.
692 mln euro evropiane për rimëkëmbjen e Bullgarisë pas pandemisë
Sipas të dhënave paraprake të Komisionit Evropian Bullgaria merr 692 milionë euro pranë programeve evropiane për periudhën aktuale programore. Mjetet janë për kapërcimin e pasojave negative nga Covid-19, njoftoi eurodeputeti Andrej Novkov, duke shpjeguar se mekanizmat për ndihmë do të jenë gati brenda disa muajve dhe mjetet do të jenë në dispozicion gjatë 2021-ës..
Bullgarët nuk u besojnë burimeve kryesore të informacionit
Në Bullgari ekziston ndjenja se pandemia e shkaktuar nga Covid-19 nuk është kaq e tmerrshme. “Sa më të suksesshme ishin masat, sa më të padurueshëm u bënë njerëzit” – komentoi para BNR-së sociologu Përvan Simeonov nga “Gallup International”. Sipas anketës së agjencisë së tij bullgarët nuk u besojnë burimeve kryesore të informacionit dhe kërkojnë alternativa. Në fillim të epidemisë rejtingu i qeverisë ishte i lartë për shkak të masave të marra me kohë, tani përsëri është i lartë për shkak të dobësimit të tyre. Ky nuk është rejting politik, por i tillë që bazohet te situata e lidhur me koronavorisun.
Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.
Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.
Pa pasur qartësi se kur do të jepet saktësisht mandati i dytë eksplorues për formimin e qeverisë, GERB deklaroi në një deklaratë për shtyp se grupi GERB-SDS në parlament nuk do ta mbështesë atë në asnjë kusht. Vendimi i GERB-it është kategorik edhe..
Furnizuesi shtetëror i gazit "Bulgargaz" ngriti padi kundër kompanisë ruse "Gazprom Export" para Gjykatës së Arbitrazhit të Dhomës Ndërkombëtare të Tregtisë në Paris, njoftoi kompania bullgare. Pala bullgare kërkon kompensim prej më shumë se 400..
Kreu i "Demokratëve për Bullgarinë e Fortë" (DSB) Atanas Atanasov tha për BNT se në "Po e vazhdojmë ndryshimin - Bullgaria Demokratike" (PP-DB) duhet të krijohet një organ i vetëm për të diskutuar të gjitha çështjet dhe për të marrë vendimet e..
Njësia 6 e Termocentralit Bërthamor “Kozlloduj” u lidh me sistemin kombëtar të energjisë elektrike më 8 korrik pas orës 9 të mëngjesit. Puna e reaktorit..
Humbjet direkte për Bullgarinë nga anëtarësimi i plotë i vonuar në Shengen janë 424 milionë euro, tha ushtruesi i detyrës së ministrit të..
Në mënyrë unike është gjetur se si të financohet gabimisht çdo sektor në kulturë. Krijuesit aktualisht punojnë si fabrikat dhe në vend që të krijojnë..