Një nga ngjarjet më të mëdha kulturore tek ne , A to Jazz ia dedikon lavdinë e vet seleksionimit të shkëlqyer të muzikantëve dhe zgjedhjes së skenës, të vendosur në parkun qendror të kryeqytetit. Festivali i cili gjatë vitit 2019 mblodhi 35 000 veta publik, tani po shënon 10 vjetorin e vet. Adhuruesit prisnin një festë madhështore me një program marramendës. Por, në bazë të shkaqeve të ditura, u krijuan ndryshime të rëndësishme. U paraqit A to Jazz Concerts – "formati zëvendësues" prej 7 ngjarjeve në 3 fundjave njëra pas tjetrës.
“Përsëri e mbushëm me përmbajtje moton tonë “Sofja është xhaz” – thotë Petër Dimitrov, drejtor i festivalit dhe vazhdon:
“Mundëm ta rikthejmë xhazin në Sofje, jemi të lumtur se koncertet e para patën një sukses të madh. Dhe artistët dhe publiku janë të etur për këtë përjetim magjik-ndarjen e gjallë të muzikës. Do të zhvillohen shfaqjet e këngëtares së xhazit Milica Glladnishka, Mihaill Josifov sekstet me mik të posaçëm Vasill Spasov – piano. Jashtëzakonisht interesant është programi i Hristo Jocovit dhe Jazz Cats, të cilët ekzekutojnë muzikë, të krijuar gjatë periudhës së izolimit. Kurse Miro Ivanov do të tregojë projektin The Little Aliens. Në këtë “koncert të dyfishtë” më 12 korrik do të dëgjojmë po kështu Audiobook-projekti i ri i këngëtares Desi Andonova dhe The Visual Madmen.
Koncertet kësaj radhe janë në Platformën A6 – hapësira më e re e hapur për kulturë në Sofje.
“Organizimin e bëmë “jo në letër”, por me një kujdes të vërtetë ndaj shëndetit dhe pa prekshmërinë e njerëzve. Lëvizja hyrje-dalje është e një drejtimi, distanca midis vendeve për tu ulur është 1.50 metra. Në të hyrë kalohet përmes “anti Covid kabinë”, në të cilën për 10 sekonda njeriu dezinfektohet përmes ozonit, shkel dhe mbi një shtroje me preparat të posaçëm.”
Gjatë muajve të fundit u anuluan dhjetëra festivale, kurse disa nga xhaz-forumet më të autoritetshme preferuan transmetime të incizimeve në internet nga edicionet e mëparshme. Optimizmi është mbase forca lëvizëse e cila e ka frymëzuar drejtorin e A to Jazz të formojë programin e tanishëm. Ja dhe përgjigjen e tij: “Më tepër jam realist, derisa është e mundur në këtë situatë të paparashikueshme dhe dinamika e ngjarjeve. E gjithë bota është e bllokuar, do të kalojnë vite përpara së të lëviz përsëri. Pavarësisht nga të gjitha, nuk duhet të dorëzohemi. Prej shekujve arti krijohet që të mund të tregohet, të ndihet, të përjetohet aty për aty. Piktura mund të shikojmë nga më të ndryshmet por, asnjëherë nuk do të dëgjojmë lojën e ngjyrimeve, të mund të ndiejmë këtë vibracion. Teknologjitë na sjellin informacion, mund të fitojmë një përfytyrim për mjeshtërinë e interpretuesve. Kaq vite kemi shikuar koncerte të gjalla fenomenale simfonike, të operës, rok dhe xhaz. Por, të ndodhesh në disa metra nga skena, të përjetosh ngjarjet... Asnjë , asnjëherë dhe në asnjë mënyrë nuk do të mund ta zëvendësojë këtë”.
Përgatiti në shqip: Nataniela Vasileva
Foto: Facebook / atojazzfestival
Projekti “Artistë që këndojnë” i producentit Igor Markovski tashmë ka këngën e tij të 41-të me titullin “E di prej kohësh”. Ajo është një duet lirik i këngëtares Maja Jordanova dhe kompozitorit Momçill Kolev, i cili krijoi muzikën. Aranzhimin e bëri..
Në ditët e fundit të verës, Tedi Ruseva me emrin artistik Tiara prezanton këngën e saj të re “Vetëm deti”. Me të, aktorja, karriera muzikore e së cilës filloi vetëm katër vjet më parë, përmbushi ëndrrën e saj të dashur - të marrë pjesë në konkursin..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e muzikës në Plovdiv dhe pas kësaj edhe në akademinë e muzikës në Sofje. Që në moshë të re merrte pjesë..
Pas 17 takimesh të suksesshme në Evropë, formati i njohur letrar "Kutia postare për përralla" vazhdon turneun evropian me 11 vende të tjera. Ai paraqet..
Edicioni i dytë i festivalit për muzikën e rrugës dhe kulturën autentike urbane Street Music Fest pret fansat e tij nga 27 deri më 29 shtator në sheshin..