Të provokojë vëmendjen e njerëzve të rinj dhe të publikut bullgar drejt parandalimit të agresionit - ky është qëllimi i projektit të Fondacionit “Preke Ylberin” dhe të Ministrisë së Rinisë dhe të Sportit, nisur në fillim të vitit shkollor.
Nën emërtimin “Njerëzit e rinj - e Ardhmja e Bullgarisë - në veprim”, projekti është i orientuar drejt 1000 të rinjve nga i gjithë vendi në moshë që nga 15 deri më 29 vjeç. Tema kryesore është e lidhur jo vetëm me agresionin, por dhe me pasojat prej tij, si dhe me inkurajimin drejt një sjelljeje të përgjegjshme sociale dhe një mënyrë shëndetësore të jetesës. Në kuadrin e iniciativës do të zhvillohet një varg me fushata informative, shfaqje sportive, një tryezë e rrumbullakët kulturore-artistike, trajnime të jashtme si dhe veprimtari të tjera.
Iniciatorët duan që të arrijnë deri tek më shumë njerëz të rinj nëpërmjet ndihmës së muzikës dhe të sportit. Kurse pjesa më atraktive nga projekti është kënga “Të bashkuar”. Krijimi muzikor interpretohet nga këngëtarja Valentina Aleksandrova. Në videon e këngës marrin pjesë fëmijë, të rinj si dhe sportistë të njohur bullgar, të cilët qëndrojnë pas kauzës.
Kënga ”Të bashkuar” del në gjuhën bullgare dhe angleze. Varianti i saj bullgar do të shpërndahet nga kanalet tona prijëse televizive si dhe nga radiostacionet, kurse versioni anglez - përmes mediave sociale si You Tube, Facebook dhe kanale të tjera në të gjithë Evropën:
Mund të shikoni videon:
Përpiloi: Veneta Nikollova
Përgatiti në shqip: Nataniela Vasileva
Një vajzë 9-vjeçare bullgare nga Montana nderoi vendin tonë në një konkurs pianoje në Singapor. Ndër pjesëmarrësit e tij ishin pianistë nga Tajlanda, Hong Kongu, Malajzia, Greqia, Japonia, Kina, Indonezia dhe India. Sipas mësueses së vajzës, Nina..
Sllavin Sllavçev prej kohësh njihet si një nga zërat më madhështor të brezit të tij në muzikën bullgare, dhe jo vetëm në sferën e rock-ut, siç duket edhe nga kënga e tij e fundit "Py ty". Ajo shënon disa momente të reja në zhvillimin e Sllavinit:..
Grupi P.I.F. vazhdon të realizojë këngë të reja pas humbjes së drejtuesit dhe autor kryesor të muzikës - Dimo Stojanov. Edhe më sot kolegët e tij vazhdojnë të ndjekin konceptin e tij të tingëllimit të këngëve të grupit. Kështu është edhe me këngën..