Policët dalin në protestë në Sofje në ditën e festës së tyre profesionale – 8 nëntorit – Ditës së Kryeengjëllit Mihaill.

Ata insistojnë për rritjen me 30 për qind të pagave në sistemin e Ministrisë së Punëve të Brendshme. Pakënaqësia e policëve lindi pasi Këshilli i Ministrave vendosi për rritjen e pagave në 28 administrata në vend me 30 për qind. Në të njëjtën kohë për policët parashihet rritje me 15 për qind.

Sot më herët policët u përshëndetën nga kryeministri Bojko Borisov. Në profilin e tij në Facebook ai shkroi: “Dua t’i falënderoj se edhe gjatë këtyre muajve të rënda bashkë me mjekët janë mbështetja jonë e fuqishme. Ata si mjekët gjithnjë ishin në vijën e parë të luftimit të virusit, ku rreziku është më i madh”.