Zëvendës kryeministri dhe ministër i mbrojtjes Krasimir Karakaçanov informoi parlamentin për bisedimet me kryeministrin e Republikës së Maqedonisë së Veriut Zoran Zaev.

“Bullgaria vazhdon të përkrahë idenë për integrimin e Ballkanit Perëndimor në strukturat evropiane, dhe posaçërisht të Maqedonisë së Veriut, por kjo nuk mund të ndodhë në rast të mospërmbushjes së marrëveshjeve bilaterale”, tha Karakaçanov.

Ai gjithashtu mohoi thëniet se mbi qeverinë bullgare ushtrohet presion për të bërë lëshime në kundërshtim me interesin kombëtar. Zëvendës kryeministri siguroi që në pozitën e saj qeveria mbron marrëveshjen e nënshkruar për miqësi dhe fqinjësi të mirë dhe pozitën kornizë, të konfirmuar me një deklaratë nga Parlamenti Bullgar.