Bisedimet midis Shkupit dhe Sofjes për heqjen e vetos bullgare mbi hapjen e negociatave për anëtarësimin e Maqedonisë së Veriut në BE vazhdojnë.

Në një intervistë për RKB përfaqësuesi i ri special i Maqedonisë së Veriut për Bullgarinë Vllado Buçkovski tha se emërimi i tij është një sinjal serioz se po kërkohet zgjidhje e përbashkët e çështjeve të diskutueshme e cila të mos jetë në dëme të asnjërës prej palëve. “Ne kemi qëllime të sinqerta dhe duam të vërtetojmë se besojmë në Marrëveshjen e Miqësisë dhe Fqinjësisë së mirë”, theksoi Buçkovski.

Ai tha se është optimist se shtetet e Ballkanit Perëndimor të cilët kanë histori të përbashkët mund të gjejnë zgjidhje për të.

Buçkovski shprehu zhgënjimin me veprimet e opozitës në Maqedoninë e Veriut, por theksoi se këto janë probleme të brendshme të cilat vet shteti duhet të zgjidhë.