Përfundoi konkursi “Letra më e bukur dërguar Plakut të Vitit të Ri” i “Postave bullgare”, i cili u zhvillua për të 25-in vit me radhë, bëri të ditur reporterja e BNR-së Nadezhda Nikollova.

Në të u përfshinë mbi 6000 fëmijë, por kryesisht nga Sofja, për shkak të masave kufizuese. Në vitet e kaluara fëmijët nga vendbanimet e vogla shkonin në mënyrë të organizuar deri në stacionet postare, që të dërgojnë letrat me dëshirat e tyre për dhurata.

Tani, për shkak të pandemisë së Covid-19, në një pjesë të madhe të letrave të veta fëmijët i urojnë vetës shëndet dhe nuk duan dhurata të tjera, shënojnë organizatorët.