Radioja Kombëtare Bullgare © 2021 Të gjitha të drejtat janë të rezervuara

Zemrat na shpien – fushatë e cila ngroh zemrat e të moshuarve të vetmuar

Foto: Facebook/Moto Klub “Vokil”

“Nuk ka gjest më të bukur sesa të japësh nga  yti për të varfërit sepse është e lehtë që të jesh i mirë, ndërsa e mira është ngjitëse!” Me këtë apel emocionues Moto Klubi “Vokil” në qytetin bregdetar Varna u bëri thirrje bashkëqytetarëve të përkrahin fushatën “Zemrat na shpien” në ndihmë të njerëzve të moshuar dhe të vetmuar. Ata janë të bindur se vëmendja dhe biseda e përzemërt ngrohin shpirtin e ngrirë e të vetmuar më shumë se gjithçka tjetër.

Prandaj vendosën të ndajnë kohë, mjete dhe më tepër fjalë të mira për njerëzit të cilët do t’i kalojnë festat e fundvitit vetëm. Ky nuk është aksioni i parë bamirës i klubit, i cili që prej katër vitesh ndihmon nën forma të ndryshme të sëmurët dhe të dobëtit.

Këtë vit kemi dashur që të jetë diçka ndryshe - të arrijmë tek i fundit që ka nevojë për mbështetje – tregon Nikolla Dimitrov, kryetar i klubit. – Kështu lindi ideja të blejmë produkte për njerëzit ndaj të cilëve fati nuk ishte i favorshëm. T’u kushtojmë atyre vëmendje të veçantë. Do të jemi rigorozë në respektimin e masave antiepidemike. Ne nuk duam të vëmë në rrezik njerëzit e moshuar të cilët për arsye të ndryshme jetojnë të vetmuar në varfëri dhe privim. Ideja është t’i shohim, ato janë nënat, gjyshet tona, të mbetura vetëm në karvanin e jetës së tyre. Ne do të përpiqemi t’u kushtojmë atyre pak kohë për të parë se nuk janë të harruar nga bota dhe nga njerëzit. Prandaj me këdo që dëshiron do të flasim nga distanca. Për ata që kanë frikë do të lëmë qesen me produktet para derës.”

Nikolla Dimitrov

Lajmi për iniciativën e klubit fitoi zemrat e shumë njerëzve dhe ndezi flakën e shpresës se mirësia dhe njerëzimi në vendin tonë do të mbijetojnë, megjithë sprovat.

“Kjo është një ide e mrekullueshme! – mendon Cvetelina Aleksandrova nga Varna e cila ndan pikëpamje dhe vlera të përbashkëta në një platformë online për zhvillim personal. – Zakonisht festat kujtojmë për t’u kushtuar vëmendje njerëzve në nevojë. Do të jetë mirë që të ketë iniciativa të ngjashme jo vetëm ditë të tilla.”

“Më pëlqeu shumë kjo ide, sepse njerëzit e moshuar vërtet duket se janë harruar nga shoqëria” – ndan qëndrimin e vet Veska Manova nga Sofja e cila gjithashtu merr pjesë në platformë. “Kjo iniciativë midis djemve të rinj tregon se ka ende thëngjij të ruajtur për breza të tërë "- bashkohet me ta Jotka Hallaçeva nga Karllovo. – Ka shpresë që të rinjtë do të vazhdojnë traditat për të pritur festat me entuziazëm dhe dashuri.”

Veprimet e Moto Klubit “Vokil” janë të koordinuara me Shërbimin Social në qytetin Varna, i cili u siguroi lista e njerëzve të vetmuar me të ardhura të ulëta. Përveç me produkte ushqimore të rinjtë kanë ndërmend të përkrahin bashkëqytetarët e tyre të moshuar edhe me meremetime të vogla në shtëpitë e tyre. Iniciativa ka përkrahjen e moto klubeve të tjera në kryeqytetin tonë detar të cilat janë 15 dhe të gjithë banorëve të qytetit. Produktet tashmë u blenë dhe u bënë nja 180 pako. Shpërndarja fillon më 19 dhjetor dhe do të vazhdojë edhe ditët e vijueshme përderisa gjithçka do të furnizohet në shtëpitë e nevojtarëve.

“Ne u befasuam shumë këndshëm që në Bullgari jemi vërtet shumë të sinqertë dhe të mirë, përkundër disa "urrejtësve" – thekson Nikolla Dimitrov. -  Unë dua t’u them të gjithëve se ka shumë njerëz të mirë. Mos e harroni! Shikoni përqark ata janë rreth nesh! Fushata jonë nuk do të kishte përmasa të tilla nëse nuk do të ishin të gjithë ata që u përfshin. Sepse zemrat tona na çojnë – dhe ne gjejmë rrugë dhe mënyrë aty ku të tjerët heqin dorë.”

Përgatiti në shqip: Svetllana Dimitrova

Foto: Facebook/Moto Klub “Vokil”, Nikolla Dimitrov


Më shumë nga rubrika

Godina e BNR-së

Thirrje ndaj qeverisë teknike për ta rimëkëmbur buxhetin e BNR-së

Shoqata e Gazetarëve Evropianë i bëri thirrje qeverisë së përkohshme të rivendosë subvencionin e buxhetit për Radio Kombëtare Bullgare - BNR në shumën e tij të plotë. Në mars dhe prill buxheti i BNR-së u zvogëlua me 420 000 euro. Vendimi i kabinetit..

botuar më 21-05-12 11.16.PD

Prodhimi dhe administrimi i vaksinave në Evropë po fiton vrull pas një fillimi të vështirë

“Fushata evropiane për vaksinimin kundra Covid-19 po grumbullon shpejtësi. Evropa është një lider botëror në teknologjinë revolucionare të vaksinave ARN dhe Bashkimi Evropian furnizon vaksina për të gjithë botën në mes të një krize të paparë..

botuar më 21-05-12 8.15.PD

Bileta dhe karta pa kontakt në transportin publik të Sofjes

Nga 11 maji në transportin publik të Sofjes fillon pagesa pa kontakt e biletave dhe përdorimi i kartave të reja plastike për udhëtime në transportin tokësor. Para programit "Horizont" të Radios Kombëtare Bullgare drejtori i Qendrës për Lëvizjen..

botuar më 21-05-11 10.49.PD