Në qytetin Karllovo u bënë homazhe dhe u vendosën kurora për heroizmin e 13 ushtarakëve bullgarë të vrarë gjatë kryerjes së detyrës në operacionet e forcave shumëkombëshe në Irak. Më 27 dhjetor, 17 vjet më parë, në Qerbela, pas një sulmi me bombë, pesë ushtarë bullgarë u vranë dhe 27 të tjerë u plagosën rëndë, kujton BTA. Bullgaria u bashkua me operacionin në Irak nga 22 gusht 2003 deri në fund të vitit 2008 me 11 kontingjente. Viktimat që vendi ynë dha gjatë operacioneve janë 13. Që nga dita e sulmit të përgjakshëm e deri më sot, njësitë ushtarake, një pjesë e të cilave ishin ushtarët e vrarë, marrin pjesë në pelegrinazhe në kujtim të kolegëve të tyre para Monumentit për të Vrarët në Luftën kundër Terrorizmit Global në qytetin Karllovo dhe në vendet e tyre të lindjes.