Radioja Kombëtare Bullgare © 2021 Të gjitha të drejtat janë të rezervuara

Simeon Krëstev – avokati i cili kap me objektivin e tij copëza nga Sofja

Foto: Simeon Krëstev

Përshëndetje,

Quhem Simeon Krëstev,  jetoj në Sofje dhe për nga profesioni jam avokat. Për mua është një kënaqësi e madhe dhe nder të mund të ndajë me ju një pjesë të vogël nga bukuritë me të cilat ndeshem përditë.

Dashuria ime ndaj fotografisë lindi përpara mjaft viteve. Fillimisht bëja fotografi amatore të kishave, të manastireve, të shërbesave fetare si në territorin e vendit, kështu dhe jashtë shtetit.

Kështu gjatë vitit 2013 lindi ideja të krijoj faqen në Facebook “Besa, Shpresa dhe Dashuria”. Qëllimi im qe, që t’u tregoj njerëzve bukuritë e Ortodoksisë, kishat e shkëlqyera dhe manastiret në Bullgari dhe shërbesat e përditshme kishtare që zhvillohen në to, si dhe dinamikën e jetës në Kishë.

Gjatë viteve fotografia u kthye nga një hobi në diçka më shumë-në një magji, e cila ka forcën të frymëzojë, të japë krahë dhe të japë një këndvështrim të ndryshëm mbi pamjet ndryshe të përditshme dhe sendet.

Pikërisht kjo magji qe shkaku që një ditë pas pune të bëj një fotografi në mbrëmje të godinës së shkëlqyer të Teatrit Popullor “Ivan Vazov “ në Sofje.

Fare rastësisht fotografia u bë mjaft e goditur. E titullova “Copëza nga Sofja” dhe kështu filloj një aventurë të paharrueshme nëpër skajet e bukura të kryeqytetit, të cilat i prezantoj në rrjetin social.

Sofja është një qytet i shkëlqyer, vetëm se duhet pak më shumë t’u kushtojmë një vëmendje bukurive, të cilat na rrethojnë.

Mundohem që përmes objektivit tim të kap bukurinë dhe magjinë e pamjeve të përditshme, të çasteve dhe peizazheve, të cilave pjesa më e madhe prej nesh nuk u kushtojnë vëmendje. Të përshpejtuar, ne shpesh nuk u vëmë re nuancave unike të lindjes dhe të perëndimit, lojën e dritës dhe vallëzimin e rrezeve të diellit nëpër fasadat e godinave, kompozicionet e shkëlqyera dhe bukuritë arkitekturore, as lejlekun e hijshëm i cili ka ndërtuar folenë e vet dhe i cili kujdeset për të vegjlit.

Çdo ditë admiroj hijeshinë e kryeqytetit dhe sa e ndryshme mund të jetë Sofja gjatë stinëve të veçanta, por madje dhe në pjesët e ndryshme të ditës dhe të natës - që nga mëngjesi me diell deri tek mbrëmja me shi, nga mbulesa e butë e dëborës deri tek nuancat e shkëlqyera të pranverës, përmes rrezeve të ngrohta të verës dhe ngjyrave të panumërta të vjeshtës.

Fotografia është ai art, i cili e bën të mundur përmes fotografive të veta të rikrijojmë magjinë e realitetit i cili na rrethon dhe përmes kësaj të prekim dhe të frymëzojmë dhe njerëz të tjerë.

Gjatë viteve kuptova se nuk është dhe kaq e rëndësishme teknika, me të cilën njeriu fotografon - nëse ai përdor fotoaparatet e vjetër, telefon, fotoaparat profesional, dron ose pajisje tjetër. Pajisja më e mirë është ajo, të cilën ti e ke në momentin më të rëndësishëm që të mund të kapësh rastin, kurse fotografia më e mirë është ajo në të cilën ti ke futur dashuri, çdo gjë tjetër janë hollësira.

Uroj të gjithëve një udhëtim të paharrueshëm nëpër Skajet e Sofjes, në vend dhe përtej kufijve!

Përgatiti në shqip: Nataniela Vasileva

Foto: Simeon Krëstev

Më shumë nga rubrika

Patrice Rayssac - francezi i cili fotografon detin bullgar

Çfarë është e përbashkët midis Francës Jugore dhe bregdetit verior bullgar të Detit të Zi ? Ne do t’u japim një nga përgjigjet e mundshme - Patrice Rayssac “Unë jam nga Franca Jugore, afër qytetit Toulouse. Ky është një qytet i madh i cili..

botuar më 21-04-12 7.35.PD

Ivet Ardelean - një grua bullgare në Amerikë me një kurorë dhe uniformë

Ajo ka disa muaj që ka veshur një uniformë policie, por ky nuk është roli i saj i vetëm. Kur nuk xhiron skena veprimi, punon mbi veshjet nga koleksioni i saj i modës dhe kohë pas kohe kthehet në një ushtar të vërtetë. Me një kurorë reale ose..

botuar më 21-04-09 9.22.PD
Vllad Tenev

Vllad Tenev - bullgari i parë në listën e “Forbes”-it për njerëzit më të pasur në botë

Themeluesi i platformës së tregtimit të aksioneve pa komision Robinhood Vllad Tenev u bë zyrtarisht miliarderi i parë, i lindur dhe i rritur në Bullgari, i cili hyn në listën e “Forbes” me njerëzit më të pasur në botë. Vlladimir ose më mirë..

botuar më 21-04-09 6.35.PD