Konsulli i Nderit i Bullgarisë në Shqipëri u dekorua me shenjen e lartë “Dega e dafinës së artë”

Selim Hoxhaj
Foto: Marija Peeva

Konsulli i Nderit i Republikës se Bullgarisë në Shqipëri Selim Hoxhaj u dekorua me shenjën më të lartë të nderit të Ministrisë së Punëve të Jashtme të Republikës së Bullgarisë “Dega e dafinës së artë”. Dekorata i jepet atij për përpjekjet që bën në afirmimin e vlerave të përbashkëta midis dy vendeve tona dhe në mbrojtjen e interesave të komunitetit bullgar në Shqipëri. Ceremonia e dekorimit u zhvillua në Ambasadën e Bullgarisë në Tiranë në respektim të të gjitha masave antiepidemike me prani të kufizuar të mysafirëve të veçantë. Para të pranishmëve nga trupi diplomatik bullgar dhe deputetëve nga Grupi Parlamentar për Miqësi Shqipëri-Bullgari ambasadori bullgar Momçill Rajçevski vlerësoi lartë punën e Selim Hoxhajit. Ndër të tjerët ai tha: “Zoti Hoxhaj gjakun e ka shqiptar, por zemrën e ka bullgare”.

Në letrën shoqëruese ministrja Zaharieva shkruan: “Meritat tuaja për forcimin dhe zhvillimin e marrëdhënieve dypalëshe midis Republikës së Bullgarisë dhe Republikës së Shqipërisë janë të padiskutueshme. Dëshiroj të shpreh mirënjohjen time dhe mirënjohjen e shtetit bullgar për angazhimin Tuaj personal për kauzën e njohjes së minoritetit kombëtar bullgar në Shqipëri. Me përfshirjen e tij në Ligjin e miratuar në vitin 2017 për Mbrojtjen e Pakicave Kombëtare në fakt ishte korrigjuar një padrejtësi historike.”

Që nga viti 2012 kur u emërua konsull nderi Selim Hoxhaj punon për thellimin e lidhjeve tradicionalisht të mira midis dy vendeve tona. Në fjalinë e rastit duke falënderuar për vlerësimin e Ministrisë së Jashtme Bullgare ai theksoi, se gjithnjë ka punuar “për afrimin dhe miqësinë mes dy vendeve dhe dy popujve tanë”.

Përpilues: Svetllana Dimitrova


Më shumë nga rubrika

7 maji është Dita Ndërkombëtare e Radios

Më 7 maj 1895 Aleksandër Popov i tregoi për herë të parë Shoqatës Ruse të Fizikës në Shën Petersburg aparatin e tij për transmetimin dhe marrjen e lëkundjeve elektrike nga distancat pa tel. Në vitin 1899 Popov lidhi me pajisjen një marrës telefonik..

botuar më 21-05-07 1.40.MD

“Një maratonë nëpër vatrat e kulturës bullgare” që të mund të ruhet historia e gjallë

Një referencë e shpejtë e bërë në fjalorin shpjegues lidhur me rëndësinë e fjalës “vatër kulture” tregon  se ky është një institucion kulturor për përhapjen e dijeve dhe të kulturës, tepër aktiv në periudhën e Rilindjes Kombëtare Bullgare...

botuar më 21-04-30 11.10.PD

Një udhëtim në kohën e Pashkëve

Një ekspozitë e kartolinave të pranverës dhe të Pashkëve na kthen 100 vjet mbrapa. Udhëtimi në kohë organizohet për vit të radhës nga Biblioteka rajonale “Hristo Botev” në qytetin Vraca. Vizituesit e ekspozitës kureshtare mund të shëtisin nëpër pjesën e..

botuar më 21-04-29 7.15.PD