"Liria e mediave u përkeqësua edhe më shumë kur autoritetet vunë në shënjestër gazetarët dhe kritikët dhe fillian represione kundër protestave anti-qeveritare," thotë Amnesty International në raportin e tyre ndërkombëtar mbi gjendjen e të drejtave të njeriut në vitin 2020. Gazetarët që hetojnë kriminalitetin e organizuar dhe korrupsionin përballen me një presion të fortë politik dhe prokurorial në formën e kërcënimeve të ndryshme.

Raporti jep si shembull reporterin hetues Nikollaj Stajkov, i cili u mor në pyetje nga prokuroria dhe u kërcënua me ndjekje penale pasi publikoi një dokumentar që përfshinte prokurorinë në një krim financiar. Përmenden gjithashtu disa gazetarë "të sulmuar fizikisht nga policia" - njëri prej të cilëve u ndalua për orë të tëra ndërsa pasqyronte protestat anti-qeveritare.

"Në raportin e tij mbi sundimin e ligjit në shtator, Komisioni Evropian shprehu shqetësime serioze në lidhje me mungesën e transparencës së pronësisë së medias dhe vuri në dukje se media mbetet objekt i kontrollit politik sistematik," shkroi Amnesty International për vendin tonë, renditur në vendin e 111 nga gjithsej 180 vendet në Indeksin Botëror të Lirisë së Shtypit. Tani për tani Bullgaria mbetet vendi standardi më i ulët i lirisë së mediave në BE.