Në një letër zyrtare Drejtori i Përgjithshëm i Radios Kombëtare Bullgare /BNR/ Andon Balltakov i kërkoi Parlamentit të ndryshojë tekstin e Ligjit për Buxhetin e Shtetit, i cili e lejon qeverinë të shkurtojë fondet për radion publike. Buxheti i BNR për këtë vit u zvogëlua me gati 1 milion leva përmes dekretit të fundit të kabinetit të dorëhequr.

Andon Balltakov thekson se kjo kërkon që të zvogëlohen shpenzimet operative të radios dhe rrezikohet zbatimi i misionit të saj publik.

"Kompensimi i financave të reduktuara mund të çojë në humbje të vendeve të punës ose në paaftësi të BNR për të paguar shpenzimet në rritje të transmetimit tokësor, të zgjidhë çështjet e lidhura me pagimin e të drejtave të autorit", shkruhet në letrën e Drejtorit drejtuar deputetëve, Presidentit, Këshillit të Ministrave dhe Përfaqësimit të KE në Bullgari.