Sipas një besimi të lashtë popullor, të gjitha erërat lindin në prag të Krishtlindjes dhe pagëzohen Ditën e Bekimit të Ujit (në janar). Në folklorin bullgar, erërat kanë emra të ndryshëm, në varësi të drejtimit nga ku vijnë – Juzhnjak, që fryn nga Jugu, Severnjak që fryn nga Veriu, etj. Ekzistojnë edhe erëra “të poshtme” që vërtiten nën tokë dhe ato “të sipërme”, që lëvizen lart mbi retë. Ndonjëherë erërat debatojnë me njëri-tjetrin. Kështu dikur Era e Veriut ftoi të gjitha erërat në pallatin e saj të akullt. Era e Jugut refuzoi të shkojë sepse dinte forcën e vetë dhe nuk deshi të shkrijë gjithçka përreth. Por erërat e tjera ishin tepër këmbëngulëse dhe gjithsesi ajo shkoi. Sidoqoftë ajo nuk mund të përmbahej dhe nxori ajrin e ngrohtë. Vëllai i tij Verior u zemërua dhe e goditi. Për njeriun mendjelehtë tek ne thonë “Ka vetëm erë në kokën e tij”.
Çfarë histori dhe proverba të tjera për erërat ka populli ynë do të mësoni nga botimi “Fryje moj erë” – përfytyrimet popullore për erën” nga koleksioni i Radio Bullgarisë.
Përpilues: Allbena Bezovska
Përgatiti në shqip: Svetllana Dimitrova
Kisha Ortodokse Bullgare nderon sot Shën Gjergjin Fitimtar - një nga martirët e parë për besimin. Ai jetoi në kohën e perandorit romak Dioklecian dhe iu bashkua ushtrisë si adoleshent. Vetëm 20 vjeç u bë anëtar i këshillit shtetëror. Kur..
Lojërat ku personazhi kryesor është veza, ndoshta nuk janë shumë. Në Gjermani, për shembull, për Pashkë, familjet vizitojnë tempullin, dhe më pas fëmijët kërkojnë vezë në kopsht, të fshehura nga lepurushi i Pashkëve - një simbol i pjellorisë. Megjithatë,..
Kur kemi një rast të veçantë dhe takohemi me të afërm ose miq, në shenjë respekti dhe si kujtim, zakonisht u dhurojmë atyre një dhuratë së bashku me një kartolinë të bukur. Në të kaluarën, kartolina e marrë ruhej si një kujtim i dashur dhe madje..