Radioja Kombëtare Bullgare © 2021 Të gjitha të drejtat janë të rezervuara

Një Bullgari që po zhduket përmes fotoobjektivit të Georgi Haxhievit

Foto: Facebook /Georgi Haxhiev

Georgi Haxhiev - një fotograf, motorist dhe muzikant, i është përkushtuar studimit të territoreve të harruara të atdheut tonë. Ai kërkon fshatra të strukura në gjinjtë e maleve në lartësi mbi 1000 metra mbi nivelin e detit. “Ky është prioriteti im, sepse këto fshatra shumë shpejt do të zhduken nga harta e Bullgarisë, ashtu siç janë zhdukur dhe nga statistika e popullsisë së vendit - ato janë plotësisht të shpopulluara”, tregon kërkuesi i copëzave të së kaluarës së gjallë në një intervistë për programin “Hristo Botev” të Radios Kombëtare Bullgare.

Duke hyrë në fshatrat e shpopulluara të malit Stara Pllanina Georgi fotografon shtëpi të braktisura, të cilat janë duke u shkatërruar, të përmbushura me historitë e qindra fateve njerëzore. “Prandaj dhe nxitoj, që të mund të fotografoj ato të cilat kanë mbetur. Sepse ka shtëpi të cilat janë të paktën 200-300 vjeçare, të cilat akoma janë duke qëndruar, por një ditë ato nuk do të rezistojnë dhe nuk do të ekzistojnë, sepse asnjë nuk i mirëmban”.

“Është e mjerueshme, por unë u mësova t’i shikoj këto peizazhe nga ana e ndjenjës prej krenarie. Mendoj se këto fshatra duhet të dihen dhe të kujtohen, sepse kanë qenë mbartës të traditave tona në të kaluarën. Ato kanë ruajtur traditat, fenë, etnosin gjatë shekujve të gjatë të sundimit. Ato pikërisht janë shkaku që Bullgaria të ekzistojë”.

“Ata pak njerëz të mbetur nëpër këto troje i mban fryma e gjallë bullgare, e futur dhe e përfshirë në shpirtrat, në traditat, në qëndrimin e ngrohtë ndaj copëve të tokës së punueshme, ndaj kafshëve - është kategorik Georgi Haxhiev. Këto janë ndjenja të bullgarit, të cilat janë të edukuara në familjet shekuj të tërë me radhë dhe të cilat, mjerisht në sajë të urbanizimit duhej t’i braktisim. Interesantja është se gjithnjë e më shumë njerëz fillojnë të ndiejnë se duhet të kthehen drejt këtyre gjërave dhe disa e bëjnë. Nëpër këto fshatra të “largëta” unë shikoj dhe njerëz, të cilët i rivendosin shtëpitë, punojnë oborret, qëndrimi po fillon të ndryshojë....Unë mendoj se, po vjen momenti drejt kthimit ndaj këtyre vendeve”.

Intervistë Ljubomira Konstantinova, BNR - Programi “Hristo Botev”

Redaktore: Elena Karkallanova 

Përgatiti në shqip: Nataniela Vasileva

Foto: Facebook /Georgi Haxhiev

Më shumë nga rubrika

Godina e BNR-së

BNR mbetet media me besim më të madh

Radio Kombëtare Bullgare /BNR/ është përsëri media në të cilën qytetarët bullgarë kanë besimin më të madh, tregon raporti për vitin 2021 i Institutit për Studimin e Gazetarisë "Reuters" pranë Universitetit të Oksfordit. Pjesa më e madhe, 72% e..

botuar më 21-06-23 11.56.PD

Docenti Petër Atanasov: “Pacienti nuk është një llogari financiare!”

Çdo mëngjes, pavarësisht nëse është ditë pune ose ditë pushimi, përpara kabinetit të docentit Petër Atanasov , në klinikën “Sëmundje të Brendshme” të Spitalit Universitar për një shërim aktiv dhe një mjekësi të shpejtë “Pirogov” radhiten..

botuar më 21-06-23 10.28.PD

Bullgarët dhe spanjollët nderojnë Julio Palencia

Sot Ambasada e Spanjës në Bullgari prezanton një botim jashtëzakonisht interesant, të titulluar “Nëpër gjurmët e një diplomati spanjoll në Sofje: Julio Palencia. Itinerari dhe pasqyra e marrëdhënieve diplomatike midis Spanjës dhe Bullgarisë”...

botuar më 21-06-22 2.55.MD