Radioja Kombëtare Bullgare © 2021 Të gjitha të drejtat janë të rezervuara

Pushimorja Sllënçev Brjag hap sezonin turistik më 1 qershor

Plazhi i pushimores Sllënçev Brjag
Foto: Daniella Kostadinova

Pushimorja e Detit të Zi do të hapë sezonin me infrastrukturë të rinovuar. Sidoqoftë, disa punime përfundimi janë ende duke u zhvilluar për të zëvendësuar pjesërisht trotuarin e Rrugës Qendrore dhe brenda kompleksit, janë duke u ndërtuar trotuare të reja, dezinfektohet dhe spërkatet kundër mushkonjave dhe insekteve. Në të njëjtën kohë, kryhet vaksinimi masiv i punonjësve në hotele dhe restorante dhe sigurohet një “korridor i gjelbër” për imunizimin, si dhe mundësia për vaksinimin e të huajve të punësuar në industrinë e turizmit, vetëm kundër paraqitjes së një dokumenti identiteti.

“Më shumë se 80 hotele në Sllënçev Brjag deri më tani kanë shprehur dëshirë dhe kanë përgatitur lista të stafit për vaksinim”, përgjithëson Teodora Pastarmaxhieva, anëtare e Bordit të Bashkimit të Pronarëve “Sllënçev Brjag”.

Që nga dita e parë e qershorit në pushimore nis nga puna një regjim kontrollues për qasje, i cili do të realizohet përmes 9 pikave dhe nga patrulla të lëvizshme. Parkimi në zonën blu të kompleksit gjithashtu do të paguhet pas 1 qershorit 2021 me çmimin 1 euro (2 leva) për orë.

“Përkundër krizës në sektor, ne përpiqemi të sigurojmë në mënyrën më të mirë të mundshme mbajtjen e suksesshme të sezonit turistik veror 2021 në kompleksin më të madh turistik në Bullgari”, tha Zllatko Dimitrov, drejtor ekzekutiv i shoqatës që menaxhon kompleksin.


Përpilues: Elena Karkallanova

Përgatiti në shqip: Svetllana Dimitrova


Më shumë nga rubrika

Vendpushimi Albena

Vendpushimi “Albena” ishte i pari që mori stikerin "100% të vaksinuar"

Vendet turistike në Bullgari me staf të vaksinuar do të marrin stiker "100% të vaksinuar", njoftoi në një konferencë shtypi në Albena Ministrja e Turizmit Stella Balltova. Pushimorja e parë që mori një stiker të tillë është Albena. Në vendpushim ka..

botuar më 21-06-10 7.29.MD

Me një vëmendje të shtuar pranë rezervuarëve gjatë sezonit të verës

Në muajt e ngrohtë të verës turistët kërkojnë freski buzë detit ose rreth lumenjve të bukur malorë dhe digave. Që të mund të ndihen të pa rrezikuar pranë rezervuarëve të shumtë të pa mbrojtur në vend, “njerëzit mund të pushojnë buzë tyre, por në..

botuar më 21-06-10 10.16.PD

Parashikueshmëria, vaksinimi masiv, hotelet kovid, apo si ta shpëtojmë verën turistike 2021?

Në këtë moment turistët kërkojnë një siguri më të madhe dhe parashikueshmëri. Ata gjithnjë e më pak ndikohen nga çmimet, nga atraksionet suplementare, cilësia e shërbimit si dhe nga faktorë të tjerë, të cilat paracaktonin sjelljen e tyre përpara..

botuar më 21-06-08 12.38.MD