Radioja Kombëtare Bullgare © 2021 Të gjitha të drejtat janë të rezervuara

Kabineti i përkohshëm raportoi muajin e parë të punës së tij

Foto: BGNES

Sa më shumë që punojmë dhe thellohemi në problemet, aq më shumë gjejmë kaos dhe mungesë rregullash, deklaroi kryeministri i përkohshëm Stefan Janev duke evidentuar muajin e parë të punës së qeverisë.

Tabloja reale tregon atë që mund ta quajmë korrupsion, të maskuar në një formë të besueshme dhe të ligjshme”, tha Janev, duke vlerësuar punën e qeverisë së mëparshme.

Në lidhje me detyrën kryesore të qeverisë - përgatitjen e zgjedhjeve parlamentare, Janev theksoi se ofrojnë një mundësi që Komisioni Qendror Zgjedhjor të marrë një vendim të informuar për të siguruar mbarëvajtjen e procesit zgjedhor. “Supozojmë se brenda afatit ligjor do të kemi jo vetëm një zgjidhje, por edhe furnizim të të gjitha 1500 makinerive të nevojshme për votimin”, premtoi Janev.

Ministri i Brendshëm Bojko Rashkov tha se nuk ka spastrim në ministri. Ai premtoi zgjedhje të drejta dhe të sinqerta pa blerjen e votave.

Paratë e BE-së për Bullgarinë nuk janë të rrezikuara. Qysh në vitin 2021 do të vijnë 13 për qind para-financim pasi Komisioni Evropian miraton Planin për Rimëkëmbjen dhe Zhvillimin pas pandemisë. Këtë e deklaroi Zëvendës Kryeministri për Fondet e BE Atanas Pekanov.

Jemi duke punuar me një ekip shumë serioz për të ftuar kompani të mëdha si Google dhe Amazon të vijnë në Bullgari. Jemi duke punuar veçmas me biznesin bullgar për të ftuar në takimin e ardhshëm të iniciativës “Tri Detet” në Sofje partnerët e tyre nga 12 vendet e iniciativës. Ministri i Ekonomisë Kirill Petkov premtoi se ky takim të mos jetë vetëm foto dhe njohje të para, por të sjellë marrëveshje të vërteta për kompanitë bullgare.

Ministri i Çështjeve Sociale Gëllëb Donev deklaroi se qeveria do të vazhdojë të paguajë 50 leva me pensionet dhe do të rrisë të ardhurat e 1,245 milion pensionistëve të tjerë me 5 për qind. Masat në mbështetje të biznesit do të vazhdojnë. Donev gjithashtu raportoi një rënie vjetore të papunësisë nga 37 për qind deri në një nivel nga 5.4 për qind në qershor.

Rezultatet e dobëta që raportojmë në luftën kundër pandemisë janë për shkak të gjendjes jo të mirë të sistemit shëndetësor dhe menaxhimit të dobët të krizës, tha Ministri i Shëndetësisë Stojço Kacarov. Lajmi i mirë është ulja e numrit të të infektuarve dhe javën tjetër vendi mund të hyjë në zonën e gjelbër për një rrezik të ulët infeksioni. Vaksina janë të siguruara për popullsinë për vitet 2022 dhe 2023, tha Kacarov.


Përpilues: Ivo Ivanov

Përgatiti në shqip: Svetllana Dimitrova


Më shumë nga rubrika

A do të ketë shumicë solide për formimin e qeverisë së re?

Pika kontakti mbi disa çështje kryesore politike dhe udhëzime për veprim – kështu më shkurtimisht mund të përshkruhen konsultimet e mbajtura gjatë fundjavës midis partisë “Ka një popull të tillë” dhe partive të prezantuara parlamentare, me përjashtim të..

botuar më 21-07-27 1.16.MD

Zoran Zaev: Do të përfshijmë bullgarët në Kushtetutë kur të hyjmë në BE

Njerëzit me vetëdije bullgare do të përfshihen në kushtetutën e Maqedonisë Veriore krahas popujve të tjerë atje – shqiptarët, boshnjakët etj, kur vendi ynë aderohet si anëtar i Bashkimit Evropian, deklaroi sot Kryeministri i Maqedonisë Veriore Zoran..

botuar më 21-07-26 7.37.MD

Ngjarjet me adresë ballkanike

"Mini Shengeni" ballkanik-perëndimor do të ketë një emër të ri Në forumin e ardhshëm ekonomik për një bashkëpunim regjional në Shkup, më 28 dhe 29 korrik, do të firmosen 3 marrëveshje, njoftoi presidenti i Serbisë Aleksandër Vuçiç, pas..

botuar më 21-07-23 3.03.MD