43% e bullgarëve janë hasur deri tani me koronavirusin, tregon një sondazh kombëtar i një prej zinxhirëve më të mëdhenj të laboratorëve në vend. Ky nuk është një studim përfaqësues kombëtar, saktësoi dr. Nedjalko Kallëçev për BNR. Janë testuar mostra të zgjedhura rastësisht të njerëzve që i kanë vizituar laboratorët për raste të ndryshme në fund të majit dhe në fillim të qershorit.

Të dhënat tregojnë se një pjesë e madhe e bullgarëve që hasën virusin në valën e parë kanë një nivel të mirë të antitrupave. Rezultate të dobëta pozitive kanë vetëm 4% e mostrave, tha Kallëçev. Të dhënat për Jamboll(Bullgari Juglindore) tregojnë 56-57% njerëz të cilët janë hasur me virusin, Pazardxhik kryeson renditjen me 62%, ndërsa për kryeqytetin rreth 1/3 e mostrave janë pozitive për praninë e antitrupave.

Në kuadrin e një muaji do të jetë e qartë se çfarë është niveli i imunitetit kolektiv në vend. Për këtë qëllim ka filluar një procedurë për mbledhjen e të gjithë informacionit në rrjetin shëndetësor, njoftoi ministri i përkohshëm dr. Stojço Kacarov.