Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Viti është bujar ndaj prodhuesve të mjaltit, të paktën tani për tani

Bletarët presin rendimente të mira dhe çmime të larta blerjeje për produktet e tyre

Foto: Kostadin Atanasov

Pranvera e vitit 2021 në Bullgari qe e ftohtë dhe e lagësht, kurse vеra sikurse disi u vonua, por hyri me temperatura të larta dhe reshje të mëdha shiu. Dhe nëse kjo për njerëzit ishte më tepër një anomali, del se periudha ka ofruar një shans të artë dhe kushte të shkëlqyera për sekretimin e nektarit të bletëve. Sasia e  mjaltit të marrë nga kullotat e para të bletëve gjatë vitit është në një nivel të mirë - deklaroi Rostisllav Rashev, kryetar i Shoqërisë së bletarisë ”Lipa” (Bliri). Prognozat janë të mira, kurse prodhuesit janë optimist për sasitë e mjaltit dhe për realizimin e tyre në treg:

“Kemi një rritje të çmimit me shumicë. Sivjet rritja është me rreth 30% për mjaltin prej akacie. Një rritje serioze të çmimit ka dhe për mjaltin prej kolzë vajëse - sqaron Rostisllav Rashev, i cili kujdeset për rreth 400 koshere. Një pjesë e madhe prej nesh shesin si me shumicë kështu dhe me pakicë. Por, nuk mund t’i lejojmë vetes të rrisim çmimin me pakicë me rreth 30%. E dimë se blerësit nuk janë me mundësi të mëdha për të paguar dhe nuk do të mundim të bëjmë një rritje të tillë të çmimeve, por mbase me 1 levë e ca do të rritet çmimi me pakicë.”

Pas kullotjes së akacies në pranverë, tani bletët mbledhin nektar prej bimëve dhe nga luledielli, sqaron Kostadin Atanasov, për të cilin bletaria është një pasion, por më tepër si një hobi. Bletorja e tij është e përbërë prej rreth 20 koshere rreth qytetit të Bullgarisë Veriore Jabllanica, në rajonin e malit Stara Pllanina, në një  lartësi relativisht të madhe mbi nivelin e detit prej rreth 750 metrave.


Thotë se viti i kaluar ka qenë katastrofik për prodhuesit e mjaltit, të cilët arritën të nxjerrin nga 4-5 kilogramë prej një koshere, gjatë një rendimenti mesatar normal prej 25 kilogramë. Viti 2021 jep një deklaratë  të jetë tepër bujar ndaj bletëve dhe punës së bletarëve.

“Për fat tek unë gjatë dimrit nuk kishte asnjë lloj vdekshmërie. Ajo qe rreth 5%, derisa tek kolegët, humbjet e familjeve të bletëve arritën deri më 70-80%. Kjo sipas tyre i dedikohet kryesisht një sëmundjeje parazitare, të quajtur varoatozë - një lloji rriqre, e cila sulmon dhe i asgjëson bletët. Sipas të tjerëve, një ndikim ka dhe spërkatja nga ana e prodhuesve të mëdhenj të drithërave, por për fat, në rajonin tim prodhimi i grurit është i përhapur më dobët.”

Por, gjithsesi sfida në bletari nuk mungojnë - tregon akoma Atanasov dhe jep një shembull me roitjen e kolonive të bletëve, të cilat u shfaqën në pranverë:

“Askush nuk mund të shpjegojë përse këtë vit është kaq drastik, por padyshim që do të ndikojë mbi rendimentet gjatë muajve të ardhshëm. Roitja e bletës paraqet largimin e një pjese të familjes së bletëve, bashkë me  bletën e vjetër nënë. Kjo e prish strukturën e zgjoit dhe duhet shumë kohë që të rinovohet potenciali i plotë në koshere. Në këto raste humbjet për bletarin janë pothuajse 100%”

Kostadini merret me bletari mezi prej 3 vjetëve, ndjek me kureshtje çdo gjë në sektor dhe merr mësim nga njerëzit me një përvojë më të madhe.


“Kjo veprimtari të shkëput nga realiteti. Hyn në një botë shumë më të ndryshme, ku shikon se çdo gjë është e organizuar në mënyrë të rreptë e të përpiktë. Bletët janë qenie shumë inteligjente dhe tanimë do të mësojmë gjithnjë e më shumë për jetën dhe veprimtarinë e tyre.”

Përgatiti në shqip: Nataniela Vasileva

Foto: Kostadin Atanasov



Последвайте ни и в Google News Showcase, за да научите най-важното от деня!

Më shumë nga rubrika

927 persona kanë deklaruar të ardhura mbi 1 milion leva

Të ardhurat më të larta të deklaruara për vitin e kaluar janë 70 milionë leva (35 785 000euro), sipas të dhënave të Agjencisë Kombëtare të të Ardhurave pas përfundimit të fushatës tatimore dhe deklarimit të të ardhurave të personave fizikë. Mjetet..

botuar më 24-06-04 10.29.PD

Në muajin maj, klima e biznesit shënoi një përmirësim prej 0.6 pikësh

Në muajin maj, situata ekonomike në vend është përmirësuar për të dytin muaj radhazi. Përmirësim ka pasur në tregtinë me pakicë, ndërtim dhe shërbime, por ka pasur rënie në industri. Në ndërtim, industri dhe në sektorin e shërbimeve nuk pritet..

botuar më 24-05-30 1.21.MD
Godina e BNB

Banka Kombëtare Bullgare kujtoi pse nuk duhet të mbinxehet tregu me hipotekat e pasurive të paluajtshme

Banka Kombëtare Bullgare (BNB) publikoi "Rishikimin e masave të vendosura për rreziqet me të cilat përballet sistemi bankar", nga kreditë e siguruara me hipotekë për banesat dhe pasuritë e paluajtshme. “Shqetësime të tilla kanë arsye serioze duke..

botuar më 24-05-27 12.18.MD