Sulmi me shtetësinë e dyfishtë kundër Ministrit të Ekonomisë Kirill Petkov synon të bëjë të pakuptimtë dhe të vërë në dyshim legjitimitetin e të gjitha akteve të kabinetit të përkohshëm, tha para gazetarëve Presidenti Rumen Radev. Sipas tij, qeveria e përkohshme ka prekur seriozisht interesat e mafias dhe ka hedhur dritë mbi veprimet e saj, duke ndërprerë shumë skema.

"Ju i shihni digat e zbrazëta, tashmë është e qartë se sa para janë paguar për riparimet, ju patë edhe ku derdhen kreditë e Bankës Bullgare për Zhvillim," komentoi Kreu i Shtetit.

Sipas tij, "të korruptuarit" po kërkojnë një arsye juridike për ta kthyer orën në kohën e Bojko Borisovit, kur GERB parazitonte buxhetin. Rumen Radev pret që Gjykata Kushtetuese të vendosë për rastin e pasaportës kanadeze të Kirill Petkovit në bazë të fakteve dhe përgjigjes së Kanadasë.