Gjatë vitit 2021 të kaluar plot sfida, gazetarët e Radio Bullgarisë ju takuan me njerëz nga vende të ndryshme të botës që kanë zgjedhur të jetojnë dhe të punojnë në vendin tonë. Nga bisedat tona me ta, mund të konstatojmë se pavarësisht pasigurisë dhe kufizimeve të pandemisë, ata po përshtaten me sukses me kushtet e reja dhe janë të kënaqur me jetën e tyre këtu.

Si për shembull, mësuesi në pension Raymond Wikinson nga Irlanda, i cili jeton prej vitesh në Çepellare, ku shijon natyrën e bukur, jetën e lirë, klimën e butë në malin Rodope dhe veçanërisht - mjedisin kozmopolit të krijuar në qytetin turistik:

“Ka një fjalë irlandeze, e cila përdoret për nocionin “argëtim” dhe ajo është “the craic”. “Craic” është kur muzika fillon, njerëzit dëfrejnë dhe shijojnë shoqërinë e bisedave të këndshme me një pije të shijshme në dorë. Këtu, në Çepellare, ka shumë “craic”!” - thotë Raymond Wikinson dhe bën konkluzionin se në qytetin e tij të dashur rodopas ka zbuluar lumturinë dhe fatin e vet!

• Çfarë është “craic” dhe si Çepellare u bë një qytet kozmopolit - një irlandez tregon

“Si tërësi njerëzit jashtë e lidhin Bullgarinë me korrupsionin dhe me kronikat kriminale, prandaj në fillim klientët tanë ishin skeptikë, meqenëse në emrin e markës sonë përmendet dhe emri i Bullgarisë”, tregon Jonathan dhe shton se me kalimin e kohës jashtë fillojnë t’u besojnë më shumë produkteve “Made in BG” dhe se për asgjë në botë nuk e zëvendëson jetën e tij në fshatin e vogël Nikollovo.

• Nga Hanoveri deri në fshatin Nikollovo ose si Jonathan Middendorf zhvillon bujqësi organike në Bullgari

Keith është i dashuruar me natyrën bullgare dhe mikpritjen tonë. Ai merret me turizëm, duke dhënë me qira dhoma për mysafirë nga e gjithë bota.

• Një britanik i pasionuar pas malit Rodopa tregon

“Ejani në Bullgari, punoni, jini krijues dhe këmbëngulës dhe do të keni sukses!” – për këtë bëri thirrje vlogeri britanik Jamal nga kanali i tij në You Tube kushtuar vendit tonë. Emri i tij është Rhyes Douglas.

Ai është një nomad digjital dhe thotë se ka vizituar të gjithë Evropën, por kur vjen për herë të parë në Bullgari, jeta e tij kthehet në 180 gradë. Sipas tij vendi ynë është destinacioni ideal për njerëzit e rinj të cilët duan të arrijnë diçka në jetë. 

• Vlogeri britanik Jamal - Bullgaria më ndihmoi të bëhem një njeri më i mirë

Çfarë mund të bëjë një kuzhinier britanik në kushtet e pandemisë në vendin tonë? Për shembull të gatuajë dhe të ndajë receta vendase, si dhe përjetimet e tij në You Tube, kuptohet! Gareth Lee Gradwell jeton në Varna dhe e do kuzhinën bullgare. Pyetjes se cila është shija e vendit tonë Gareth iu përgjigj kështu:

“Për mua shija e vërtetë e Bullgarisë është shija e....lirisë”. Çfarëdo që të thonë këto fjalë, një gjë është e sigurt - Gareth e pëlqen jetën e tij në Bullgari, këtu ka gjetur strehë dhe mundësi për të punuar dhe krijuar familje.

• Gareth Lee Gradwell – për një kuzhinier britanik, ose cila është shija e Bullgarisë

Ata kanë vizituar 114 shtete dhe në fund të fundit kanë zgjedhur Bullgarinë, ku sot punojnë në restorantin e tyre familjar në fshatin pothuajse të shkretë bullgar Devino. Pse e zgjodhën Bullgarinë? Lexoni tregimin e Gianfranco dhe Anna në një nga botimet më të lexuara në faqet e Radio Bullgarisë në vitin 2021:

• Kuzhinierë me famë botërore hapën një restorant në një fshat pothuaj të shpopulluar në Bullgari

Në muajin e fundit tëvitit 2021 ju takuam gjithashtu me Mohadese Mirzaee, piloten e parë femër në Afganistan.

Në gusht, ajo arriti të shpëtojë nga talebanët në Bullgari, ku kërkoi strehim dhe një shans për të rifilluar karrierën e saj në aviacion. Radio Bullgaria incizoi një video intervistë me të. Shikoje atë:

• "Do të fluturoj përsëri" – pilotja e parë femër e Afganistanit para Radios Kombëtare Bullgare për arratisjen e saj nga talebanët në Bullgari