Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Një numër spitalesh në Sofje dhe në vend ofrojnë ndihmë falas për refugjatët nga Ukraina

Foto: Spital Multidisiplinar Universitar „Lozenec“

Që nga fillimi i javës së kaluar, Spitali Multidisiplinar Universitar “Lozenec” në Sofje po kryen ekzaminime falas të shtetasve ukrainas që mbërrijnë në Bullgari.  Të dëbuarit për shkak të pushtimit rus të Ukrainës mund të kërkojnë ndihmë në të gjitha kabinetet ekzistuese të spitalit. Në një intervistë për Radio Bullgarinë, shefi i klinikës mbi sëmundjet e brendshme në spital doktori Krasimir Angellov sqaroi rregullin në bazë të të cilit realizohen të gjitha vizitat:

“Vizitat realizohen në të njëjtën mënyrë si dhe për qytetarët bullgarë. Ata pacientë, të cilët nuk kanë nevojë për një ndërhyrje të ngutshme, presin dhe caktojnë një vizitë përkatëse. Kushti i vetëm për ta është që të paraqesin dokumentin e identitetit”.

Sipas fjalëve të tij, në spital tanimë është realizuar një ndërhyrje kirurgjike e një qytetareje ukrainase.

“Bëhet fjalë për një paciente të shtruar në kirurgji, e cila i është nënshtruar një operacioni në Ukrainë pak përpara se të ikë nga vendi. Na u desh që ta rioperojmë sepse kishte një komplikim pas operacionit. Kjo tanimë është realizuar dhe manipulacioni tani për tani është i suksesshëm. Pacientja është e re, pa sëmundje të tjera.”


Doktori Angellov njoftoi se një pjesë nga personeli në spital është i infektuar me Covid-19, por shërohen në kushte shtëpiake dhe nuk ka rrezik për punën në spital, e cila po vazhdon sipas grafikut.

Një ekuacion me akoma shumë të panjohura është çështja e sigurimit shëndetësor për refugjatët.

“Përgjigja e kësaj pyetjeje është me kompetencë të Ministrisë së Shëndetësisë. Unë akoma nuk jam i njohur me mënyrën, në bazë të së cilës do të realizohet financimi i ekzaminimeve të ndryshme, operacioneve dhe manipulacioneve të këtyre pacientëve - pohon doktori Angellov. - Ajo të cilën mund ta them me siguri është se pacientët nuk do të paguajnë shërbimet shëndetësore, të cilat i realizon spitali.”

Tanimë prej një jave mjekët kryejnë kontrollime mjekësore falas për refugjatët nga lufta në Ukrainë, pa një rëndësi nga përkatësia e tyre etnike dhe fetare, në një spital tjetër multidisiplinar universitar në kryeqytet - “Shën Anna”. Ekipet e spitalit “Shejnovo” dhe Spitali i Parë Obstetrikë Gjinekologjik "Shën Sofia"po kështu janë në një gatishmëri t’u ndihmojnë refugjateve, të cilat janë shtatzënë ose kanë nevojë prej një ndihme mjekësore dhe konsultim.

Spital Multidisiplinar Universitar „Shën Anna“

Spitalet në qytetin Plovdiv /”Medikus Allfa”/ , Spitalet Multidisiplinare Universitare për Trajtim Aktiv në qytetet Burgas dhe Montana po kështu e përkrahin iniciativën dhe sigurojnë ndihmë për nevojtarët.

Përgatiti në shqip: Nataniela Vasileva

Foto: Spitali Multidisiplinar Universitar Lozenec“, BGNES



Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD