Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Orkestra Simfonike e Radios Kombëtare Bullgare me një koncert në kujtim të viktimave të luftës në Ukrainë

Foto: BNR

Orkestra Simfonike e Radios Kombëtare Bullgare do të mbajë koncertin e saj të radhës më 11 mars në sallën e kryeqytetit “Bullgaria”. Violinistja Lia Petrova do të jetë soliste në Koncertin për Violinë dhe Orkestër të kompozitorit britanik William Walton, siç ishte planifikuar në fillim të sezonit. Pjesa tjetër e programit ka ndryshuar.

Lia Petrova

Në vend të simfonisë nr.2 të Brahmsit, do të interpretohen dy vepra që shprehin solidaritetin e muzikantëve bullgarë për atë që po ndodh në Ukrainë - uvertura simfonike "Stuhia" e Çajkovskit dhe "Muzika e heshtur" e kompozitorit ukrainas Valentin Silvestrov.

Në një intervistë për Radion Kombëtare Bullgare, dirigjenti Mark Kadin tha se koncerti u është kushtuar viktimave të luftës dhe se përzgjedhja e veprave, natyrisht, nuk është e rastësishme. Çajkovski e kompozoi uverturën e vet në vitin 1864, gjatë një vizite në rezidencën e princave Galicin, që ndodhet tani në territorin e Ukrainës, në një qytet që u bombardua. Në fund të koncertit do të interpretohet “Muzika e heshtur”. Maestroja thekson se koncerti nuk ka orientim politik, ai është në kujtim të viktimave nga të dyja palët.

Mark Kadin

“Kur je kufomë, nuk ka rëndësi se çfarë pasaporte ke në xhep. Ky tmerr në Ukrainë nuk ka asnjë justifikim - asnjë ambicie, asnjë gjeopolitikë, asnjë ide globale nuk mund të jetë një justifikim për fillimin e një lufte në vitin 2022”, tha Mark Kadin, i cili ka lindur në Donbas dhe ka jetuar atje në vitet e tij të hershme, pastaj - në Moskë. Që nga viti 2017 është kryedirigjenti i Orkestrës Simfonike të Radios Kombëtare Bullgare.

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

“Unë po të shtrij ty” – një lexim modern i këngës popullore bullgare të trevës së Pirinit

Producenti Atanas Zajkov – Atazar dhe dyshja Bisera dhe Lidija na prezantojnë folklorin e bukur bullgar të veshur me tingujt e kohës sonë moderne. Kënga "Unë po të shtrij" mbart frymën e stilit tipik deep house, por tingujt e violës depërtojnë..

botuar më 24-08-07 1.15.MD
Zhaklin Tarakçi

"Feniksi"

E reja Zhaklin Tarakçi ka kënduar që e vogël dhe tashmë ka grumbulluar çmime të shumta, por popullaritetin e ka fituar më së shumti si fituese e "Zërit të Bullgarisë" 2022. Singli i saj debutues "Kakao" është krijuar nga ekipi i producentit Igor..

botuar më 24-08-06 7.25.PD

Vera e xhazit në Plovdiv vazhdon

Plovdiv Jazz Summer - programi veror i një prej festivaleve më të mëdha të xhazit në vend, Plovdiv Jazz Fest, filloi në mes të korrikut. Festivali vazhdon me tre koncerte në kinemanë verore "Orfeu" në Plovdiv dhe një koncert spektakolar falas në..

botuar më 24-08-05 8.10.PD