Programi i ditës
Radioja Kombëtare Bullgare © 2022 Të gjitha të drejtat janë të rezervuara

Një marshim i madh në Sofje mbështeti paqen

BE pret që rezultati i luftës në Ukrainë të jetë fakt në 2 javët e ardhshme

| rinovuar më 22-03-25 11.40.PD
Foto: Ani Petrova

Pas shtatë orësh bisedimesh, tre me Presidentin amerikan Joe Biden dhe një me Presidentin ukrainas Volodimir Zelenski, liderët evropianë premtuan më shumë ndihmë ushtarake, humanitare dhe ekonomike për Kievin, por nuk vendosën sanksione të reja ndaj Rusisë. BE dhe Shtetet e Bashkuara shprehën gatishmërinë e tyre të përbashkët për sanksione shtesë kundër Rusisë dhe Bjellorusisë dhe për të parandaluar përpjekjet për të kufizuar kufizimet tashmë të vendosura.

"Sanksionet vendosen si reagim ndaj diçkaje. Nëse vendosim sanksione të reja tani kur situata është e pandryshuar, cili do të jetë hapi ynë i ardhshëm," tha Kryeministri i Luksemburgut Xavier Bethel.

Foto: EPA/BGNES

Përfaqësuesi i Lartë për Politikën e Jashtme dhe Sigurinë Josep Borrell tha se ndihma ushtarake për Ukrainën është më e rëndësishmja tani, "sepse në dy javët e ardhshme do të bëhet e qartë se cili vend do ta fitojë luftën".

“Bullgaria është me ne”, tha Zelenski në fjalimin e tij. Për herë të parë që nga fillimi i luftës, ai emëroi vendet që mbështesin kauzën ukrainase dhe ato që janë në shkallë të ndryshme të rezervuara ndaj saj.

Kryeministri Kirill Petkov ka shprehur në Këshill qëndrimin e vendit se vendet anëtare të BE-së dhe NATO-s duhet të vazhdojnë të jenë të bashkuara dhe të vendosura në përgjigjen e tyre të përbashkët ndaj agresionit të paprovokuar rus. Një prioritet për Bullgarinë është sigurimi i ndihmës së nevojshme humanitare dhe aksesi i papenguar i refugjatëve të luftës në destinacione të sigurta. Sofja do të presë një takim të krerëve të shteteve dhe qeverive të NATO-s në Evropën Juglindore në 28 mars, tha Petkov.

Këshilli Evropian në Bruksel po vazhdon më 25 mars.

Ministria e Mbrojtjes e Rusisë ka premtuar të hapë një korridor humanitar për të lejuar anijet e huaja të largohen nga portet e Ukrainës. Forcat ruse po bëjnë presion ndaj mbrojtësve të bllokuar të Mariupolit dhe luftimet po zhvillohen tashmë në pjesën qendrore të qytetit.


Një procesion në mbështetje të Ukrainës dhe orientimit euro-atlantik të Bullgarisë u zhvillua në bulevardin qendror të Sofjes “ Car Osvoboditell” (“Mbreti Çlirimtar”). Flamujt ukrainas dhe bullgar bllokuan për pak kohë kryqëzimin kryesor të “Orllov Most (Urës së Shqiponjave) në kryeqytet.

Të ardhurit bënë thirrje për t'i dhënë fund luftës. Në protestë u dëgjuan gjithashtu kërkesa për një gjykatë të re në Hagë, në të cilën Vladimir Putin të gjykohet, bëri të ditur reporteri i BNR, Dobromir Videv.

Procesioni përfundoi me një minutë heshtje dhe ndezje dritash nga celularët në kujtim të të vrarëve në luftën në Ukrainë.

Foto dhe video: Ani Petrova

Më shumë nga rubrika

Presidenti Joe Biden pranoi letrat kredenciale të ambasadorit bullgar në Shtetet e Bashkuara Georgi Panajotov

Nuk ka asnjë presion amerikan ndaj Bullgarisë për çështjen e Maqedonisë së Veriut, tha ambasadori bullgar në Shtetet e Bashkuara, Georgi Panajotov disa orë pasi presidenti Joe Biden pranoi zyrtarisht letrat e tij kredenciale.” Ende nuk ka asnjë..

botuar më 22-06-27 2.36.MD

Ngjarjet me adresë ballkanike

Shkupi me 5 kushte para BE-së për të pranuar propozimin francez për negociatat Maqedonia e Veriut hodhi poshtë propozimin e Presidencës franceze për heqjen e vetos dhe fillimin e negociatave me Shkupin për anëtarësim në BE. Pas Samitit..

botuar më 22-06-24 2.40.MD

Ministria e Jashtme dënoi fyerjet e Kryeministrit Edi Rama ndaj Bullgarisë dhe BE-së

Në një qëndrim të Ministrisë së Punëve të Jashtme thuhet se në BE Bullgaria gjithmonë ka mbështetur përkatësinë evropiane të popullit shqiptar. “Ne kemi mbrojtur perspektivën evropiane të Shqipërisë dhe fillimin e bisedimeve të anëtarësimit në BE..

botuar më 22-06-24 12.42.MD