Lideri i GERB-it, Bojko Borisov, doli për t’u marrë në pyetje para një hetuesi në Prokurorinë e qytetit të Sofjes, njofton BTA. Përveç tij, për të dëshmuar u ftuan edhe ish-Ministri i Financave Vlladisllav Goranov dhe PR-ja Sevdelina Arnaudova.

• Ish-Kryeministri Bojko Borisov është ndaluar për 24 orë
  

Kujtojmë se më 17 mars të tre u mbajtën 24 orë në paraburgim, ndërsa të nesërmen u lanë të lirë pa akuzë, pasi prokuroria vlerësoi se veprimet e Ministrisë së Punëve të Brendshme në hetim ishin vicioze. Kjo bëri të nevojshme të gjithë personat, dëshmia e të cilëve mund të kontribuojë në sqarimin e rrethanave të rastit, të merren përsëri në pyetje.

Duke dalë nga prokuroria, Borisov akuzoi qeverinë se në vetëm 30 ditë mori borxhe të reja me norma interesi tri herë më të larta dhe se nënshkroi një memorandum me “kompani të panjohura”.

• Arrestimi i Bojko Borisovit – një demonstrim, apo një hap në luftën kundër korrupsionit në Bullgari