Në ditët e fundit të muajit maj pritet të ndodhë zhvendosja më e madhe masive e refugjatëve ukrainas në Bullgari – rreth 35 mijë persona. Këtë e tha në Burgas Kryetarja e Agjencisë për Refugjatë, Mariana Tosheva, e cila ndodhet për një vizitë pune në qytet, njofton BNR Burgas.

Refugjatët ukrainas u paralajmëruan kur u vendosën në hotelet buzë detit se do të duhet të lirohen deri më 31 maj për të mos ndërhyrë në sezonin turistik veror, ndërsa qëllimi është të fillojë integrimi i refugjatëve në shoqëri.

• Masa për akomodimin e refugjatëve ukrainas përfundon në fund të majit
  

165 hotele i janë bashkuar programit të ri të refugjatëve për 10 dhe 15 leva(5.11 dhe 7.67 euro), i cili do të nisë nga fillimi i qershorit. Në vendpushimin Sllënçev Brjag, ku ka më shumë ukrainas, këto vende janë më pak. Shumica janë në Kiten, Ahtopoll, Carevo.