Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Gazetari irlandez dhe lektor i EBU Tom McGuire në Sofje:

BNR gëzon një besnikëri të madhe të dëgjuesve nga i gjithë vendi dhe e gjithë bota përmes Radio Bullgarisë

Tom McGuire
Foto: BNR

Informacioni i krijuar nga Radioja Kombëtare Bullgare vazhdon të gëzojë besimin më të lartë të publikut në Bullgari. Me këto fjalë, drejtori i përgjithshëm i BNR-së, Milen Mitev, hapi një seminar dy-ditor në selinë e BNR-së në Sofje, kushtuar organizimit të përmbajtjes së lajmeve dhe informacionit aktual në mediat publike, me qëllim krijimin e një redaksie të integruar kombëtare, me folës special të ftuar Tom McGuire.

Përveç se është gazetar, producent dhe filmbërës dokumentarësh i shquar, Tom McGuire është i njohur edhe si drejtues i programit të lajmeve RTÉ Radio 1 të Radios Publike Irlandeze.

"RTÉ Radio 1 dhe Radio Kombëtare Bullgare kanë pothuajse të njëjtin numër punonjësish dhe pothuajse të njëjtat përgjegjësi," u tha i ftuari gazetarëve. Nisma e përbashkët është e Radios Kombëtare Bullgare dhe e Akademisë së Bashkimit Evropian të Radio-Televizioneve (EBUAcademy).

"Unë mendoj se misioni i mediave sociale sot është siç ka qenë gjithmonë që nga krijimi i tyre - të shërbejnë si pasqyrë për audiencën dhe t'i ndihmojë ata të shohin kulturën, botën dhe shoqërinë e tyre ashtu siç është," tha Tom McGuire në një intervistë për Radio Bullgarinë - Dhe mbi të gjitha, në zemër të mediave sociale është besimi i audiencës, veçanërisht në botën moderne, kur në hapësirën publike shpërndahen të gjitha llojet e informacioneve, shumë prej të cilave janë false. Kjo është përgjegjësia më e rëndësishme e një medie sociale."


Gjatë seminarit në Sofje, Tom McGuire punoi me gazetarë, redaktorë dhe specialistë të përmbajtjes digjitale nga programet kombëtare dhe rajonale të

Radios Kombëtare Bullgare, duke përshkruar sfidat para një gazetari bashkëkohor në Bullgari dhe Irlandë në punën e përditshme të prezantimit të lajmeve:

“Mendoj se Radioja Kombëtare Bullgare është një organizatë plot jetë, e cila është shumë e avancuar në të menduarit e saj, duke dalë shumë larg përtej kufijve të saj. Unë jam pak xheloz për numrin tuaj të madh të dëgjuesve - diçka me të cilën ne në Irlandë nuk mund të mburremi. Niveli i besnikërisë që gëzon Radioja Kombëtare Bullgare nga ana e dëgjuesve të saj në mbarë vendin dhe në mbarë botën përmes Radio Bullgarisë është shumë i lartë. Gjithashtu më bën shumë përshtypje përbërja e larmishme e stafit të BNR. Pata rastin të takoj kaq shumë njerëz të moshave dhe brezave të ndryshëm dhe nga rajone të ndryshme të vendit. Ka një strukturë shumë të gjallë dhe të pasur të jetës në Bullgari dhe u lumturova kur mësova se ajo reflektohet çdo ditë në eterin kombëtar”.

Programet në gjuhë të huaja për audiencën ndërkombëtare, siç është përmbajtja që Radio Bullgaria prezanton çdo ditë, kanë një të ardhme shumë të ndritur përmes shpërndarjes online, tha Tom McGuire.

“Ne në Irlandë nuk kemi programe të gjuhëve të huaja jashtë vendit, por mendoj se për vende si Bullgaria dhe Irlanda është shumë e rëndësishme të zëmë dhe të tregojmë vendin tonë në hartën e botës. Ne jemi vende të vogla sipas standardeve ndërkombëtare, jemi shumë të ngjashëm për nga mentaliteti i njerëzve. Bullgaria është pak më e madhe dhe ka një popullsi pak më të madhe se Irlanda, por të dyja vendet kanë një diasporë të madhe jashtë kufijve të tyre. Mendoj se kjo lidhje me ata që jetojnë jashtë vendeve tona dhe kthehen është shumë e rëndësishme. Për Bullgarinë, për mendimin tim, është me rëndësi të madhe të jetë në gjendje të tregojë vetë historitë e saj, dhe jo dikush tjetër t'ia tregojë botës.”


Për Tom McGuire seminari në Radion Kombëtare Bullgare është rasti për vizitën e tij të dytë në Bullgari, pas pjesëmarrjes në Asamblenë e Radios EBU në vitin 2019, që u mbajt në kryeqytetin bullgar. “Sofja, ashtu si Dublini, është një qytet që mund ta njohësh lehtësisht duke ecur”, tha i ftuari.

“Po filloj të dashurohem me Sofjen. Udhëtimet e mia të deritanishme е vizatuan pandeminë, si të thuash - ky ishte udhëtimi im i fundit i punës përpara Kovid-it dhe i pari tani. Duke ecur nëpër rrugë, vazhdoj të mendoj se ky është një qytetërim vërtet i vjetër dhe një vend relativisht i ri që është kthyer në hartë në fund të shekullit të 19-të. Bullgaria dhe Irlanda janë dy vende të vogla në Bashkimin Evropian dhe si të tilla ne duhet të mbështesim njëri-tjetrin.”

Përgatiti në shqip: Vesella Mançeva

Foto: BNR





Последвайте ни и в Google News Showcase, за да научите най-важното от деня!

Më shumë nga rubrika

Bullgarët nuk janë ndër entuziastët për votën evropiane

Të lodhur nga kriza politike që vazhdon për të tretin vit me përsëritjen e pafundme të zgjedhjeve parlamentare, bullgarët nuk janë entuziastë për zgjedhjet evropiane. Gatishmëria e tyre për të marrë pjesë në to është më e ulët në krahasim me vitin..

botuar më 24-04-17 8.59.PD

Kujt dhe si i lëshohet Karta Blu e BE-së për të drejtën e punës në Bullgari?

Radio Bullgaria, si program i BNR-së, i botuar në 11 gjuhë, ka një audiencë të shpërndarë në gjashtë kontinente. Një pjesë e saj ka një qëndrim të veçantë ndaj vendit tonë dhe dëshiron të mësojë më shumë për historinë, kulturën, traditat dhe të..

botuar më 24-04-17 7.30.PD

Medalje argjendi për Bullgarinë nga Olimpiada e Shkencave Eksperimentale

Dy medalje argjendi fituan ekipet bullgare në Olimpiadën Evropiane të Shkencave Eksperimentale EOES 2024, e cila u mbajt nga 7 deri më 14 prill 2024 në Luksemburg, njoftoi Ministria e Arsimit dhe Shkencës. Nxënësit tanë garuan kundër 45 ekipeve nga..

botuar më 24-04-16 2.38.MD