Dita e folklorit bullgar-22 qershor, sipas traditës do të shënohet me një koncert-spektakël “Kohë për folklor”-shfaqje dhe regjisor Asen Pavllov, themeluesi i ansamblit “Çinari”. E tij është dhe ideja për vendosjen e festës, e festuar për herë të parë në vitin 2019. Më 22 qershor në sallën numër 1 të Pallatit Kombëtar të Kulturës adhuruesit e folklorit bullgar do të shikojnë dhe do të dëgjojnë interpretime të nxënësve të Shkollës Kombëtare për Artet e Vallëzimit dhe të Shkollës Kombëtare Muzikore “Ljubomir Pipkov” në Sofje, Shkolls Kombëtare Muzikore “Panajot Pipkov” në qytetin Pleven , shkollave të kryeqytetit “Iluministët e popullit” dhe “Ivan Bogorov”, trios “Bullgarina, grupi “Etnotiks” , ansambli “Çinari”. Këta artist të rinj janë vetëm një pjesë nga mijëra bullgarët për të cilët muzika popullore dhe vallëzimi janë nevojë thelbësore, mënyrë jetese.

Në historinë e vet 86 vjeçare Radio Bullgaria i ka takuar dëgjuesit e vet me breza të tërë krijuesish në fushën e artit folklorik tek ne.

Mes tyre është këngëtarja e dashur popullore Verka Siderova, e cila para pak kohe festoi 96 vjetorin e saj.

“Jeta ime kaloi si një këngë. Por unë po vazhdoj të këndoj edhe sot dhe ndoshta do të vazhdoj deri në frymën time të fundit.”

• Verka Siderova: “Jeta të mëson gjithçka”

“Unë as që mundem të përfytyroj jetën time pa këngën popullore”-tregon këngëtarja Popullore Zheçka Sllaninkova, por nën këtë fjali të shkurtër mundet të vendosin firmat e tyre akoma shumë bullgarë me zë të shkëlqyer të njohur e të panjohur

Këngëtarja e dashur folklorike Zheçka Sllaninkova thotë: “Nuk mund ta përfytyrojë jetën time pa këngën popullore”, por kjo është motoja e shumë këngëtarëve të tjerë bullgarë të njohur dhe të panjohur.

• Zheçka Sllaninkova: Nuk mund ta përfytyrojë jetën time pa këngën popullore

Këngëtarja e njohur nga veriu Vasillka Damjanova, e cila i ka kushtuar dekada të tëra këngës popullore si një zë nga "Misteri i zërave bullgarë", vitet e fundit ndan përvojën e saj me të rinjtë në grupin "Zërat e traditës", krijuar dhe drejtuar nga Daniell Spasov dhe Milen Ivanov.“Gëzohem se, këta njerëz të rinj i respektojnë interpretuesit më të vjetër”- thotë akoma ajo.

• Vasillka Damjanova: "Kënga na shpëton si në gëzim ashtu edhe në ankth"

“Kënga popullore është një univers dhe gjithmonë do të na magjepsë”, thotë këngëtari i dashur trak Todor Kozhuharov.

• Todor Kozhuharov: Kënga popullore është një univers dhe gjithmonë do të na magjepsë

Për këtë që folklori nuk i nënshtrohet kohës dëshmojnë dhe fjalët e Pllamena Gospodinovës. “Fëmijët tanë e duan këngën popullore, ata pëlqejnë të jenë në skenë, të fitojnë çmime dhe duartrokitje, kjo u jep krahë dhe i motivon” - thotë ajo për nxënësit e saj nga Shkolla e arteve “Ilia Avramov” pranë Vatrës Popullore të Kulturës “Dinjo Sivkov” nga qyteti Nova Zagora. Dhe akoma: “Çdo një fëmijë ka temperament të ndryshëm, të ndryshëm janë dhe për nga mosha. I bashkon kënga popullore, ata e interpretojnë me gëzim dhe me zemër.”

• Kur kënga popullore është pjesë e fëmijërisë

Kurse Tima Nedjallkova - këngëtare dhe pedagoge u uron të gjithë bullgarëve :”Të jemi krenarë me trashëgiminë tonë folklorike dhe me dinjitet tua transmetojmë fëmijëve dhe nipërve tanë, që të mbetet për brezat! Sepse tradita jonë muzikore është ajo e cila na dallon nga të gjitha kombet në Evropë dhe në botë”.

• Stoimenka Nedjallkova: Le të jemi bullgarë krenarë me trashëgimin tonë unike folklorike”

Radio Bullgaria u uron festën të gjithë atyre që nderojnë, respektojnë dhe ruajnë zakonet dhe artin tonë tradicional!

Përpiloi: Allbena Bezovska

Përgatiti në shqip: Nataniela Vasileva