Programi i ditës
Radioja Kombëtare Bullgare © 2022 Të gjitha të drejtat janë të rezervuara

Festivali i pare i Bukëve të Ritit pranë Danubit

Veprimtaria prezanton kulturën tradicionale të popullsisë së lashtë vendore, të quajtur “hërcoi”

4
Foto: Facebook /@museumruse

Më 25 qershor mes rrënojave të kështjellës mesjetare Çerven në afërsi të qytetit Ruse do të mbahet Festivali i Bukës së Ririt, organizuar nga Muzeu Historik Rajonal në qytet. Pjesëmarrësit do të prezantojnë bukë rituale të cilat janë pjesë e pandarë e riteve tona të vjetra si dasma, Pashkët, Dita e Shën Gjergjit, Dita e Enjos, etj.  Ideja është që të ndahen teknologjitë për brumosjen e bukës, të ruajtura në praktikat e dy grupeve etnografike që popullojnë këtë krahinë të Bullgarisë.

“Organizojmë festivalin e bukëve të ritit në një nga objektet e Muzeut Historik Rajonal - Ruse” – tha para Radio Bullgarisë Iskra Todorova, kuratore në muze dhe njëra nga organizatorët e festivalit.

“Çerven është një objekt i njohur turistik dhe kjo është edhe një mundësi tjetër të gjallërojmë këtë vend. Rrënojat e kështjellës ngrihen në mes të natyrës së bukur mbi meandret piktoreske të lumit Rusenski Lom. 


Krahas kësaj popullsia e lashtë vendore e quajtur “hërcoi”, nuk është shumë e njohur në krahasim me grupet e tjera etnografike në Bullgari. Ky është edhe një nga qëllimet e festivalit – të prezantojmë kulturën e tyre tradicionale. Si dhe e grupit tjetër interesant etnografik të quajtur kapanci.  Zgjodhëm bukët e ritit sepse ato janë një pjesë shumë e rëndësishme të zakoneve. Për ne bullgarët, buka është emanimi i ushqimit. Deri në atë masë sa kur themi: “A ha bukë?” apo “Ai e nxjerr bukën e gojës”, nënkuptojmë ushqimin, jetesën në përgjithësi. Është interesante që edhe sot, megjithëqë praktikat tradicionale u reduktuan shumë, edhe nëse nuk bëjmë gjithçka siç e bënin njëqind vjet më parë, buka mbetet një element i qëndrueshëm i çdo tryeze rituale.”

Për pjesëmarrje në festival që ka karakter konkurrues aplikuan dhjetë institucione – vatra të kulturës, klube të pensionistëve, si dhe fëmijë nga një shtëpi sociale, të cilët do të tregojnë teknika të ndryshme të kuzhinës, mësojmë nga znj. Todorova. Ajo tregon edhe për veçoritë karakteristike të bukëve rituale në këtë pjesë të Bullgarisë:

“Ndoshta ka dallime të vogla në praktikat festive, në krahasim me rajonet e tjera folklorike. Ende mbahet kujtimi për Karamanovden - një festë për nder të buallit, e cila nuk haset në zona të tjera. Por në thelb, bukët rituale kanë të njëjtin funksion dhe qëllim - ato janë një pjesë kryesore e tryezës festive. Etnografi bullgar Dimitër Marinov përshkroi zakonin “Mbajtja e tharmit”  në rajonin e qytetit Ruse, i cili haset në popullatën e vjetër vendase në disa fshatra rreth këtij qytetit danubian. Ai gjithashtu la një koleksion të madh vizatimesh me dekorime plastike. Muzeu ynë ka një koleksion të jashtëzakonshëm të bukëve rituale - më shumë se njëqind të punuara prej gjipsi. Shpresojmë që grupet që do të marrin pjesë në festival të tregojnë disa nga bukët që mungojnë në këtë koleksion. Dhe për të na dhuruar pas konkursit, që të bëjmë derdhje prej gjipsi për fondin e muzeut.”

Foto: Facebook /@museumruse, Facebook /@medievalcherven 

Përgatiti në shqip: Svetllana Dimitrova



Galeria

Më shumë nga rubrika

Në Koprivshtica fillon festa më e madhe e folklorit bullgar

Pjesëmarrësit në edicionin e 12-të të Tubimit Kombëtar të Krijimtarisë Popullore në qytetin Koprivshtica janë më se 6500, u bë e qartë në konferencën e shtypit organizuar një ditë para fillimit. Më 5, 6 dhe 7 gusht, në 6 skenat në zonën..

botuar më 22-08-05 12.06.MD
Në fshatin Kubej

“Dhëntë Zoti shi!”, ose si i ruajnë traditat bullgarët në fshatrat besarabe

Kultura e bullgarëve besarabë është e gjallë edhe më sot, por nuk do të zbuloni në qytetin e madh, vetëm në fshatrat. Aty ajo ruhet në formën e saj më autentike. Të tilla janë vëzhgimet e një të riu nga Bollgrad – Aleksandër Polibza, i përkushtuar..

botuar më 22-07-31 1.45.MD

“Pirini Këndon” aty ku takohen malet Rilla dhe Pirin

Mbi 1500 pjesëmarrës nga komunat jugperëndimore të Bullgarisë do të mbledhë Tubimi Folklorik “Pirini Këndon” më 30 dhe 31 korrik. Në këtë mënyrë në zonën Predell ku preken rrëzat e maleve Rilla dhe Pirin do të festohet 60-vjetori i edicionit të parë..

botuar më 22-07-30 10.40.PD