Programi i ditës
Radioja Kombëtare Bullgare © 2022 Të gjitha të drejtat janë të rezervuara

Një “mrekulli ishullore” për audiencën tonë doli të ishte i vetmi manastir mesjetar i mbijetuar në Bullgari në ishullin Shën Anastasia

10
Foto: Facebook /@St.AnastasiaIsland

Përgjigje të drejta, por jo shumë kategorike - ja si mund t'i përgjithësojmë rezultatet e kuizit tonë të fundit. Në faqet e dhjetë gjuhëve në të cilat Radio Bullgaria mban përmbajtje, ne ju pyetëm: "Ku është i vetmi manastir-ishull i ruajtur në Bullgari që nga epoka e Mesjetës? ". Përgjigjet e mundshme ishin - në ishullin Shën Ivan afër Sozopolit, në ishullin Shën Pjetri, pranë ishullit Shën Ivan, në ishullin e Shën Anastasias në Gjirin e Burgasit, në ishullin Shën Thoma, pranë vendpushimit Djuni, në ishullin Shën Kirik, në veriperëndim të Sozopolit.

E vërteta është se në të gjithë ishujt e përmendur ka pasur manastire të shenjta mesjetare, por i vetmi, ku manastiri është ruajtur deri më sot është ishulli Shën Anastasia.

Përgjigjja e saktë është dhënë nga përdoruesit tanë në bullgarisht - 73% e të gjithë atyre që votuan, 67% në shqip, 53% përgjigje të sakta në faqen tonë në turqisht, 76% e përdoruesve tanë grekë dhe 49% e atyre që votuan në rusisht.

Fituesi i padiskutueshëm është audienca e Radio Bullgarisë në frëngjisht, me rreth 85% që kanë shënuar përgjigjen e saktë. Arsyeja mund të jetë filmi i vitit 2011 "Ishulli" i regjisorit bullgar Kamen Kalev, ku luan rolin kryesor Leticia Casta. Filmi është xhiruar në ishullin Burgas, i cili deri në vitin 1991 mbante emrin "Bolshevik".

Ka hezitim në audiencën tonë në gjuhën angleze dhe gjermane, të cilët treguan me një numër pothuajse të barabartë votash (39% e atyre të hedhura në anglisht dhe 41% në gjermanisht) ishujt e Shën Anastasias dhe Shën Ivanit. Shumica e audiencës spanjolle dhe asaj serbe të Radio Bullgarisë kanë dhënë përgjigjen e gabuar - respektivisht ishullin Shën Ivan me 43% dhe 50% për ishullin Shën Pjetri.

Çfarë duhet të dimë për ishullin Shën Anastasia dhe manastirin me të njëjtin emër?

Dëshmia më e hershme me shkrim e ekzistencës së manastirit është një dokument zyrtar i Patriarkut Ekumenik Jeremia II, i datës 1575. Ishulli është emëruar sipas Shën Anastasias, një martire e madhe e kishës së krishterë, mbrojtëse e të sëmurëve dhe e dënuar padrejtësisht, e njohur edhe si Shëruesja. Manastiri nuk ka pasur fat të mirë - është djegur shumë herë dhe është sulmuar nga piratët. Në fillim të shekullit të 20-të, në vitin 1924, ai u kthye në burg, dhe më vonë u braktis dhe u la pas dore. Sot është një destinacion tërheqës turistik që zbulon trashëgiminë kulturore dhe historike të ishullit të Shën Anastasias. Një farmaci që ofron barëra dhe ilaçe të mrekullueshme, një qeli manastiri nga mesjeta ku mund të kaloni natën, një ekspozitë muzeore, kisha e lashtë “Fjetja e Hyjlindëses”, e cila e ka paracaktuar ditëlindjen e ishullit më 15 gusht, e gjithë kjo tërheq turistët bullgarë dhe të huaj që nga viti 2014. Pikërisht atëherë, pas një restaurimi që zgjati më shumë se një vit, ishulli u hap për vizita turistike. Kushdo mund të shkojë dhe thjesht të ecë nëpër historinë e ruajtur në këtë copë toke në djerrinën blu ose të qëndrojë më gjatë dhe të hajë gjellë të freskëta peshku në restorantin që ndodhet në ndërtesën e ish-manastirit.

Faleminderit të gjithëve që morën pjesë me supozimet e tyre në sondazhin tonë! Pavarësisht nga përgjigja juaj, shpresojmë të kemi provokuar interesin tuaj ndaj historisë dhe kulturës së pasur bullgare.

Mos ndaloni së qeni kurioz dhe vazhdoni të merrni pjesë në sondazhet tona. Pyetja e re ka një aromë aventure italiane: "Cili skulptor bullgar e bëri statujën e Leonardo da Vinçit në Aeroportin e Romës "Fiumicino"?

Përgatiti në shqip: Vesella Mançeva

Foto: Facebook /@St.AnastasiaIsland, BGNES, arkiv

Më shumë nga rubrika

Profetesha Vanga besonte se viti 2022 është një pikë kthese për njerëzimin, kujtojnë ithtarët e saj

Çdo vit në prag të 11 gushtit – ditës së vdekjes së profetes së njohur bullgare Gjysha Vanga, e cila u largua nga kjo botë në vitin 1996, qindra pelegrinë i drejtohen shtëpisë dhe varrit të saj. Shumë nga njerëzit që i janë mirënjohës profetes..

botuar më 22-08-07 11.25.PD

Shpërfytyrimi i Krishtit - festa më e nderuar e krishtere

Më 6 gusht Kisha Ortodokse Bullgare kremton një nga festat më të ndritshme – Shpërfytyrimi (Metamorfoza) e Krishtit. Në këtë ditë shënohet një ngjarje e rëndësishme ungjillore, që konfirmon origjinën hyjnore të Zotit Jezu Krisht. Festa u..

botuar më 22-08-06 8.20.PD

119 vjet nga Epopeja e Ilindenit

Më 2 gusht mbushen 119 vjet nga shpërthimi i Kryengritjes së Ilindenit . Ajo ishte rezultat i reagimit të ashpër nga ana e popullit bullgar ndaj vendimit të Fuqive të Mëdha (Britania e Madhe, Austro-Hungaria, Rusia, Franca, Gjermania, Italia) që..

botuar më 22-08-02 11.35.PD