Më shumë se 10 për qind e përbërjes së Forcave të Armatosura të Bullgarisë janë pensionistë. Kjo duket nga përgjigja me shkrim e Ministrit të Mbrojtjes në dorëheqje Dragomir Zakov drejtuar deputetit të “Bullgarisë Demokratike” Martin Dimitrov.

Në Forcat e Armatosura të Bullgarisë shërbejnë 4107 pensionistë. 3153 prej pensionistëve punojnë në mbrojtje prej më shumë se 5 vitesh. Janë 1325 pensionistë me grada ushtarake aktive, të tjerët janë të punësuar si ekspertë civilë.

Përbërja numerike e forcave të armatosura të Bullgarisë është rreth 40 000 njerëz dhe shifrat e sakta janë të klasifikuara. Ushtria drejtpërsëdrejti është rreth 20 000 njerëz. Sipas të dhënave të fundit të prezantuara nga Zakov, në ushtri janë rreth 7 mijë pozita të lira, shkruan portali dnevnik.bg.