Të kthehesh aty, ku ka filluar çdo gjë. Pikërisht këtë do të bëjë një nga autorët më të njohur bullgar dhe me një njohje botërore Georgi Gospodinov me romanin e tij të fundit “Strehim kohe”. Më 7 shtator Biblioteka Publike e Nju Jorkut do të hapë sezonin e vet letrar me premierën e botimit amerikan të romanit “Strehim kohe” dhe një diskutim me autorin. Moderator i takimit është Valentina Izmirlieva, profesoreshë në universitetin e Kolumbisë dhe studiuese e Mesjetës.
Në vitin 2017, shkrimtari bullgar fitoi një bursë - një qëndrim njëvjeçar në Qendrën prestigjioze Kulman të Bibliotekës së Nju Jorkut, e cila mbledh studiues dhe shkrimtarë nga e gjithë bota.
Vetë biblioteka dhe aktivitetet e kryera nga ekipi e renditin atë ndër institucionet më të rëndësishme kulturore në Shtetet e Bashkuara. Pikërisht aty Gospodinov filloi punën e tij për "Strehim kohe", që u botua në Bullgari në vitin 2020.Gjatë vitit tjetër libri doli në përkthim në italisht, gjermanisht, frëngjisht, polonisht dhe në gjuhën daneze, kurse gjatë kësaj pranvere u botua dhe në Shtetet e Bashkuara nga shtëpia botuese Liveright në përkthim të Anzhela Rodel. Në recensionin e vet, "New York Times" e cilësoi librin si prekës dhe inteligjent dhe theksoi aftësinë mjeshtërore të bullgarit për të shkruar me zgjuarsi, duke e përqendruar vëmendjen tonë tek dhuna që ushtron e kaluara mbi të tashmen tonë.
Gazeta britanike “Guardian” zgjodhi romanin bullgar si librin e ditës.
Në të njëjtën kohë, u bë e qartë se Georgi Gospodinov është shkrimtari i ftuar i zgjedhur sivjet i Institutit "Hariman" në një nga universitetet më prestigjioze në botë - Universitetin e Kolumbisë, ku do të mbajë një seminar brenda një muaji.Mundësia e radhës për një takim personal me shkrimtarin bullgar më të përkthyer që do të kenë adhuruesit e tij është më 2 tetor në Festivalin Letrar në Bruklin. Sivjet Georgi Gospodinov do të marrë pjesë në debatin, kushtuar kujtesës dhe kohës - dy nga temat më të rëndësishme në krijimtarinë e tij.
Përpiloi: Vesella Krësteva
Përgatiti në shqip: Nataniela Vasileva
Foto: Facebook / @Georgi Gospodinov
Një histori si një film - ne shpesh themi me vete kur na tregohet një histori e jashtëzakonshme ose dëgjojmë një të tillë nga tavolina fqinje në një kafene. Por është pikërisht kinemaja ajo që duket se e ndihmon njeriun e sotëm të varur në mënyrë..
Çdo festë ka aromën, teshat dhe meloditë e saj. Kështu është edhe me Krishtlindjet. Dihet pak për këngët e Koledarëve (Grupet e djemve të Krishtlindjeve) dhe qëllimin e tyre, dhe flitet pak për to, madje në shumë raste ato që thuhen janë të gabuara. Por..
Si një galeri arti në mes të pyllit e përshkruajnë dëshmitarët shatërvanin me belvedere pranë fshatit Konçe, rajoni i qytetit Momçillgrad të Bullgarisë Jugore. Fillimi i ndërtimit u dha në vitin 1985 nga babai i Jusein Jusufit dhe një vit më vonë, kur..
Projekti i fundit i regjisorit Stefan Komandarev - "Universi Bllok" - është një nga 35 të përzgjedhurit në forumin më të rëndësishëm botëror për..
Filmi më i ri bullgar "Para se të harroj" mund të shihet që nga sot në kinema. Ai rikrijon realitetin e trishtuar të një prej sëmundjeve më të zakonshme..
Dëborë 
Reshje
Reshje intensive
Vranësira
Reshje shiu/dëbore
Vranësira