Ministri i punëve të jashtme i Maqedonisë së Veriut Bujar Osmani më 8 nëntor do të zhvillojë një vizitë pune në Bullgari. Vizita do të bëhet menjëherë pas pjesëmarrjes së tij në takimin zyrtar të ministrave të punëve të jashtme të vendeve të Iniciativës së Evropës Qendrore, kryetar i së cilës këtë vit është vendi ynë. Ministri i jashtëm bullgar Nikollaj Millkov do të bisedojë “sy më sy” me kolegun e tij nga Maqedonia e Veriut, pas së cilës do të zhvillohen bisedime plenare mes dy delegacioneve. Më pas dy ministrat e jashtëm do të mbajnë një konferencë të përbashkët për shtypin.