Programi i ditës
Madhësia e tekstit
Radioja Kombëtare Bullgare © 2023 Të gjitha të drejtat janë të rezervuara

Vjeshta në Sofje nga këndvështrimi i dy francezëve

Foto: BGNES

Çfarë mund t'i bëjë dy francezë nga Parisi të vizitojnë Sofjen në vjeshtë, përveç një ftese miqësore? Zhull dhe Artur zëvendësojnë për disa ditë kryeqytetin francez me atë bullgar, për të shijuar motin e mirë dhe për të prekur një botë më të qetë dhe mikpritëse. Ata thonë se ajo u kujton historitë e prindërve të tyre për Francën e viteve 80-të. Të dy janë nga 27 vjeç, punojnë, por arrijnë të bëjnë një pushim të shkurtër për të njohur vendin tonë. Ata pëlqejnë të eksplorojnë kultura të ndryshme, janë të interesuar për historinë, arkitekturën, jetesën në vendet që vizitojnë. 

Artur dhe Zhull

Zhull vjen për herë të katërt në Bullgari, nëpërmjet një ftese nga e dashura e tij - një bullgare që jeton prej shumë vitesh në Paris. Dy herët e para ai ishte me pushime në bregdetin tonë të Detit të Zi dhe vizita e tij e tretë ishte në kulmin e epidemisë së Covid-it, në fund të shkurtit 2022. Tani është sërish këtu dhe po përfiton nga ditët e ngrohta të vjeshtës, veçanërisht të përshtatshme për një shëtitje në mal:

“Për momentin nga mali mbi Sofjen po shijojmë perëndimin e vjeshtës, të cilin tani po e zbuloj për herë të parë. Më parë, përveç Detit të Zi, kam vizituar Plovdivin, vendpushime të ndryshme SPA. Vera është natyrisht mjaft e gjallë - shumë njerëz, makina, por bullgarët janë mjaft të këndshëm dhe mikpritës. Gjithashtu po zbuloj gradualisht monumentet historike dhe arkitekturore të epokave të kaluara”.

Cila është gjëja e parë pozitive që i bëri përshtypje Zhullit në Bullgari dhe a ka zbuluar ai edhe disa aspekte jo aq të këndshme të jetës sonë?

“Mikpritja, dashamirësia. Nga ana tjetër, këtu ke mundësinë të hash gjëra të shijshme, pavarësisht se ku dhe në cilën orë të ditës. Nuk je nën presionin e kohës. Për qëndrimin e shkurtër gjatë vizitave të mia në Bullgari, nuk mund të jap një vlerësim. Për sa i përket mjedisit, ka një ndryshim me Francën, ku njerëzit kujdesen më shumë për ruajtjen e natyrës. Sa për Sofjen, këtu është pastër dhe ka rregullsi. Zbulon në të njëjtën kohë stilin modern perëndimor, i cili është në kontrast me tramvajet dhe makinat e vjetra. Në të njëjtën kohë, sheh trenat e rinj të metrosë, të cilët Parisi ende nuk i ka. Pra, nuk mund të përshkruhet, duhet ta shikosh vetë.''

Kur i tregoi mikut të tij Arturit për vendin tonë, ai arriti ta intrigonte për të vizituar Bullgarinë. Natyrisht, për disa ditë që kaloi këtu, ai arriti të eksploronte vetëm Sofjen dhe të ngjitej në Vitosha:

“Nëse më duhet të bëj një krahasim me Francën, do thoja se më bëri përshtypje të mirë që metroja është shumë më e pastër. Nga ana tjetër, mali është shumë afër, ndryshe nga Parisi. Sa i përket ushqimit, këtu mund të ushqehesh mirë, racionet janë të mëdha. Jeta e natës nuk mungon. Po, dyqanet ushqimore mbyllen herët, por qyteti është më i vogël dhe jo aq dinamik sa Parisi. Më kujton Bordonë, shumë i këndshëm, sigurisht jo plotësisht si ai. Për një kohë kaq të shkurtër nuk kam arritur të krijoj shumë përshtypje, por patjetër që dua të vij përseri, nëse më ftojnë prapë, sigurisht. Do të isha i lumtur të njihesha më shumë me kulturën, që është e ndryshme nga e jona”.

Në fund të takimit tonë me Zhull dhe Artur, flasim për historinë dhe qytetërimin më të lashtë në trojet bullgare. Të dy duken të intriguar kur mësojnë se në Bullgari mund të ndeshen me artefakte që lidhen me kulturën më të vjetër evropiane të 8000 viteve më parë. Ata premtojnë se në udhëtimin e tyre të radhës, do të vizitojnë patjetër këto vende jo aq të njohura në Evropë.

Përgatiti në shqip: Kostandina Bello

Foto: BGNES, Darina Grigorova


Më shumë nga rubrika

Turizmi me kroçera, adrenalina e lartë, opera mes shkëmbinjve – Bellogradçiku pret një vit të suksesshëm 2023

83 mijë bullgarë dhe 18 mijë mysafirë të huaj ka pritur Bellogradçiku gjatë vitit 2022, me të cilën qyteti piktoresk veriperëndimor pothuajse arriti vitin e suksesshëm turistik 2019, mësojmë nga nënkryetari i bashkisë Rosen Mlladenov. Gjithashtu,..

botuar më 23-01-24 6.14.MD
Pamje drejt Plovdivit nga Nebet Tepe

Plovdiv – një qytet me shumë histori dhe njerëz të këndshëm

Plovdivi, qyteti i dytë më i madh në Bullgari, me rrugët e tij komode qendrore, ndërtesat shumëngjyrëshe dhe mikpritjen e banorëve të tij, të bën që të dashurohesh me te që në takimin e parë. Banorët e Plovdivit do t'ju udhëheqin me kënaqësi në vendet që..

botuar më 23-01-21 2.05.MD

Bullgaria është ndër destinacionet turistike të kërkuara në një ekspozitë në Madrid

Bullgaria merr pjesë në ekspozitën ndërkombëtare turistike FITUR në Madrid (18-22 janar). Ajo synon turizmin masiv dhe kryeqyteti spanjoll tradicionalisht pret një nga ngjarjet më të rëndësishme në sektorin e turizmit në mbarë botën. Vendi ynë merr..

botuar më 23-01-21 8.15.PD