Shën Apostulli Andrea i Parëthirruri është ndër shenjtorët më të respektuar në vendin tonë. Dita në të cilën e kremtojmë shenjtorin, 30 nëntor, është një festë e madhe kishtare dhe popullore. Sipas studiuesve, gjatë shekullit të parë apostulli përhapte krishterimin nëpër trojet e sotme bullgare. Shenjtorin e respektuan edhe bashkatdhetarët tanë, të cilët u zhvendosën në Itali në shekullin e VII.
Më 30 nëntor ditë të emrit kanë të gjithë ata që mbajnë emrat Andrej, Andrea, Andrian, Andriana, Përvan, e të tjerë. Meqenëse në gjuhën greke Andrea do të thotë i guximshëm, burrëror, i ndershëm, në këtë ditë festojnë edhe njerëzit me emrat Hrabër, Hrabrin emra të tjera që rrjedhin nga fjala guxim.
Në përfytyrimet popullore që nga festa e Shën Andreas dita fillon të zmadhohet sa një kokërr (mel, misër, elb). Në këtë ditë fillojnë ritet dhe zakonet dimërore për shëndet dhe pjellori. Në prag të festës, gratë zienin (domosdoshmërish në një enë të re) kokrra të ndryshme dhe në mëngjes i hidhnin disa prej tyre në oxhak - që të korrat të ishin të larta. Nga kokrrat e mbetura ua jepnin të gjithëve në familje. Në shumë rajone, festa quhet Meçkinden – Dita e Ariut, për shkak të besimit se Shën Andrea është zoti i arinjve. Në legjendat popullore, ai gjithmonë arrin të zbusë ose ta mposhtë ariun, duke e mbërthyer në parmendën e tij për të lëruar arat.
Njëherë e një kohë, deri në fund të vjeshtës, gjuetarët e arinjve udhëhiqnin arinj të stërvitur nëpër fshatra. Kafshët bënin kërcimin e tyre të ngathët nën tingujt e një kënge, më së shpeshti nën shoqërimin e tamburasë. Njerëzit i ftonin në oborret e shtëpive të tyre, sepse besuan se kjo do të sillte borë të dendur dhe një korrje të mirë.
Përgatiti në shqip: Svetllana Dimitrova
Ekspozita fotografike për 96 vjetorin e fillimit të speleologjisë së organizuar në Bullgari u rregullua në Urën e të Dashuruarve pranë Pallatit Kombëtar të Kulturës. Këtë e bënë të ditur organizatorët e klubit të shpellës “Nën buzë”. Ekspozita..
Sot shënohet 88 vjetori i lindjes së këngëtares sonë të madhe të folklorit Nadka Karaxhova. E lindur më 14 mars 1937 në fshatin e atëhershëm Trivodici të rrethit të Pazarxhikut (sot - rajoni i Plovdivit), ajo është pasardhëse e një familjeje të vjetër..
Dita e Shën Theodhorit është një festë e rëndësishme bullgare, e cila shënohet të shtunën pas të Dielës së të Lidhurve të Djathit . Kjo është një festë e lëvizshme dhe këtë vit bie më 8 Mars. Sipas besimeve popullore, Shën Theodhori luan një rol..