Programi i ditës
Madhësia e tekstit
Radioja Kombëtare Bullgare © 2023 Të gjitha të drejtat janë të rezervuara

NATO-ja deklaroi, se me luftën në Ukrainë Rusia minon rendin ndërkombëtar

Foto: EPA/BGNES

Rusia mban përgjegjësinë e plotë për luftën në Ukrainë, e cila është nj shkelje brutale të së drejtës ndërkombëtare dhe të parimeve të Statutit të OKB-së. Agresioni, duke përfshirë sulmet e qëndrueshme dhe të pandërgjegjshme ndaj infrastrukturës civile dhe energjetike të Ukrainës, po privon miliona ukrainas nga shërbimet bazë njerëzore. Ai ndikon në furnizimet globale të ushqimit dhe kërcënon vendet dhe popujt më të rrezikuar të botës.Veprimet e papranueshme të Rusisë, duke përfshirë shantazhin hibrid, energjitik dhe retorikën e pamatur bërthamore, po minojnë rendin ndërkombëtar, theksojnë ministrat e jashtëm të NATO-s në një deklaratë të miratuar në takimin e Bukureshtit.

NATO do të ofrojë ndihmë shtesë humanitare për Ukrainën në formën e karburantit, gjeneratorëve të energjisë dhe furnizimeve mjekësore, tha Sekretari i Përgjithshëm i Aleancës, Jens Stoltenberg.

Në Bukuresht, Sekretari Amerikan i Shtetit Anthony Blinken akuzoi Rusinë për kthimin e Detit të Zi në një “zonë lufte”. Ai premtoi të forcojë praninë e NATO-s nga Baltiku deri në Detin e Zi.

Situata rreth Ukrainës ndikoi në vendimin e Rusisë për të hequr dorë nga konsultimet e planifikuara në Kajro me SHBA-në për Traktatin për Armët Sulmuese Strategjike, tha zëvendësministri i jashtëm rus Sergej Rjabkov për Radion “Kommersant”.

Rusia e humbi “përgjithmonë” Evropën si klient i saj më i madh i energjisë, tha shefi i Agjencisë Ndërkombëtare të Energjisë Fatih Birol në një konferencë energjetike. Agjencia pret që prodhimi rus i naftës të tkurret me 2 milionë fuçi në ditë deri në mars të vitit 2023. BE-ja po pezullon importet e naftës ruse nga 5 dhjetori dhe produkteve ruse të naftës nga 5 shkurt 2023. Diskutimet për vendosjen e një kufiri të çmimit për naftën ruse të dërguar nga deti vazhdojnë, njoftoi Reuters.




Më shumë nga rubrika

Rumen Radev

Rumen Radev: Rasti me Hristijan Pendikov është një krim urrejtjeje

Është jashtëzakonisht e rëndësishme që autoritetet e Maqedonisë së Veriut këtë herë të deklarojnë qartë se rasti me Hristijan Pendikov nuk është një skandal i brendshëm, por një krim urrejtjeje për shkak të një politike dhjetëvjeçare të rrënjosjes..

botuar më 23-01-27 7.10.MD
Gëllëb Donev dhe Dimitër Kovaçevski

Sofja dhe Shkupi me aksione të përbashkëta kundër incidenteve gjatë shënimit të përvjetorit të revolucionarit bullgar Goce Dellçev

Në një bisedë telefonike kryeministri në detyrë  Gëllëb Donev diskutoi me kolegun e tij maqedonas Dimitër Kovaçevski për nevojën e festimit paqësor dhe pa probleme të 151 vjetorit të lindjes së revolucionarit bullgar Goce Dellçev më 4 shkurt...

botuar më 23-01-27 6.14.MD

Parashikimi i motit për fundjavën

Të shtunën temperaturat do të jenë pothuajse pa ndryshim. Ato minimale do të jenë nga minus 3° deri në 2°, në Sofje - 2°, maksimumi do të jetë nga 0 deri në 5°, në kryeqytet - 2°. Në veri të Bullgarisë do të bjerë borë, në verilindje sasitë do të..

botuar më 23-01-27 6.05.MD