Prokuroria Evropiane zbuloi një skemë të gjerë të mashtrimeve me TVSH-në në të gjitha 22 vendet pjesëmarrëse në institucion. Mes tyre është Bullgaria, por edhe vende jashtë BE-së si Shqipëria, Kina, Serbia, Singapori, Zvicra, Turqia, Britania e Madhe dhe SHBA. Operacioni “Admiral” është kundër skemës më të madhe kriminale të mashtrimit më TVSH-në të zbuluar në Evropë. Dëmet janë për mbi 2.2 miliard euro dhe hetimi po vazhdon. Gjithçka nis në prill të vitit 2021. Zyra portugeze e Tatimeve në Koimbra, teksa inspektonte një kompani që shet celularë, tableta dhe aksesorë elektronikë, kërkoi ndërhyrjen e Prokurorisë Evropiane. Doli se kompania është e lidhur me mbi 9000 persona juridikë dhe mbi 600 individë.