Bullgaria do të insistojë në rinegocimin e kushteve të kontratës për furnizimin e vaksinave kundër Covid për këtë vit dhe vitin e ardhshëm. Qëndrimin e vendit tonë do ta prezantojë ministri në detyrë i shëndetësisë Asen Mexhidiev në Bruksel, gjatë mbledhjes së Këshillit të Bashkimit Evropian për Punësimin, Politikën Sociale, Kujdesin Shëndetësor dhe Çështjet e Konsumatorit.

Gjatë takimit me Komisioneren Evropiane të Shëndetësisë, Stella Kyriakides, ministri Mexhidiev theksoi se për Bullgarinë, zgjidhjet e mundshme të kontratës ndërmjet KE-së dhe “Pfizer”-it janë ndërprerja e saj ose zvogëlimi i ndjeshëm i sasive të parashikuara në të. Sipas Dr. Mexhidiev, nëse kushtet nuk rinegociohen, dërgesat e ardhshme do t’i nënshtrohen heqjes nga momenti i marrjes. Duhet të merret parasysh edhe mundësia e riblerjes së vaksinave nga Komisioni Evropian, theksoi edhe ministri bullgar i shëndetësisë.