Legjislatura e 48-të e Kuvendit Popullor të merret me miratimin e ligjeve të rëndësishme sipas Planit të Rimëkëmbjes dhe Qëndrueshmërisë. Këtë thirrje e bëri presidenti Rumen Radev në një konferencë për shtypin në Bruksel, ku merr pjesë në samitin BE - Asociacioni i Kombeve të Azisë Juglindore. I pyetur për akuzat e politikanëve për “qeverisjen presidenciale” të vendit, ai u përgjigj: “Nuk ka asnjë pushtet të vetëm presidencial, ka pamundësi të partive politike për të formuar qeverinë”. Radev theksoi se sipas Kushtetutës, kur partitë nuk mund të formojnë një kabinet të rregullt, presidenti është i detyruar të emërojë një kabinet zyrtar.

• “Po e vazhdojmë ndryshimin” dhe “Bullgaria demokratike” janë duke negociuar për mandatin e dytë

Në lidhje me veton e tij ndaj ndryshimeve në Kodin Zgjedhor, ai vuri në dukje se ato ndryshojnë natyrën e votimit me makinë dhe e kthejnë atë në votim me fletëvotim në letër të printuar nga makina. Me ndryshimet hiqet edhe koncepti i votimit elektronik në distancë, duke ngushtuar në mënyrë të papranueshme pjesëmarrjen e bullgarëve jashtë vendit në procesin zgjedhor.

• Presidenti Rumen Radev e ktheu në Kuvendin Popullor Ligjin për Kodin Zgjedhor