Para fundit të vitit do të përfundojnë negociatat me Turqinë për furnizimin me gaz, tha për Nova TV ministri në detyrë i energjisë Rosen Hristov. Ai pret që kontrata për përdorimin e rrjetit turk të transmetimit të gazit të jetë të paktën 13-vjeçare. Përmes terminaleve turke të gazit të lëngshëm pritet të shpërndahen rreth 1 miliard metër kub gaz  nga SHBA-ja dhe Norvegjia.

Bullgaria do të importojë 30 për qind të vëllimeve vjetore të gazit të përdorur përmes Turqisë. Ne blejmë 30 për qind të tjera nga Greqia dhe pjesën tjetër nga Azerbajxhani, saktësoi ministri. Ky është një diversifikim që do t’i bëjë furnizimet më të sigurta, tha Hristov. Ai shpreson se me tavanin e miratuar nga BE për çmimet e gazit prej 180 euro për megavat orë, çmimet e bursës do të fillojnë të bien.