Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Etnofantazi – 2022

Foto: pixabay

Është festë - rast për të pasur një humor të mirë, të cilit i shtojmë edhe muzikën e këndshme të tre kompozitorëve dhe interpretuesve të talentuar të xhazit - Borisllav Petrov, Ljudmill Krumov dhe Vlladimir Kërparov, të cilët i kemi dëgjuar në një sërë projektesh të përbashkëta. Gjëja që i lidh ata me njëri tjetrin është edukimi që kanë marrë, si brenda ashtu dhe jashtë vendit, përvoja skenike në zhanre të ndryshme, si dhe dashuria për xhazin dhe folklorin bullgar. Ndërthurjen e dy traditave muzikore, të lindura në një mjedis kulturor krejt tjetër, ata e quajnë sfidë, përplasje kulturore, rrugëtim në treva të ndryshme muzikore. Për ta është një burim i pashtershëm frymëzimi dhe idesh, të cilat i gjejmë edhe në projektet e tyre të reja të prezantuara në vitin 2022.

"Be-Bop-Hop-Trop" është albumi i tretë i grupit "Xhazanica", i krijuar nga bateristi Borisllav Petrov në vitin 2008 në Holandë si një projekt studentor, gjatë studimeve të tij në Amsterdam. Përbërja aktuale e grupit përfshin Zhivko Vasilev - fyell, Borisllav Iliev - kitarë dhe tambura, si dhe bashkëpunëtorët e vjetër muzikorë të Borisllav Petrovit - Dimitër Ljolev - saksofon dhe Mihaill Ivanov - kontrabas. Programi i albumit u prezantua në Festivalin “A to JazZ” dhe koncerti u filmua dhe u transmetua nga televizioni francez Mezzo. “Sinqerisht shpresoj se edhe adhuruesit më të zjarrtë të bebop-it do të duan të hidhen dhe kërcejnë vallet popullore bullgare gjatë dëgjimit të albumit, të cilin e kam lënë të nënkuptohet nëpërmjet shprehjes “hop-trop”, thotë Borisllav Petrov, autor i të gjitha këngëve në albumin. Për miqtë e Radio Bullgarisë, muzikanti zgjodhi titullin shumëngjyrësh “Prash djegës”.

Muaj më parë prezantuam premierën e "Përplasje kulturore - Nga Danubi deri në Misisipi" – albumit të ri të Ljudmill Krumov, i cili prej vitesh jeton në Holandë. Kitaristi virtuoz është edhe producent i këtij projekti, i cili përfshin Orkestrën e Vogël Bullgare të Folk Jazz-it. Përveç tij, grupi përfshin Pejo Peev - gadullka, Zhivko Vasilev - fyell, Vasill Haxhigrudev - bas, Teodor Petkov - piano, Borisllav Petrov - bateri. "Unë shoh" një anije të vogël që niset nga vendi ynë, me ritmet dhe meloditë karakteristike, vazhdon përmes harmonisë evropiane për të mbërritur në Misisipi dhe xhazin e Nju Orleansit, bi-bop-in e Nju Jorkut... dhe anasjelltas." - fjalë të Ljudmillit nga intervista e tij për Radio Bullgarinë.


Kujtojmë se prezantimi premierë mediatik i albumit "Përplasje kulturore", dhe para tij i shfaqjes "Dunavsko", ishte pjesë e podkasteve, si dhe në faqen e Radio Bullgarisë. Për herë të parë në programin tonë u transmetuan pjesë nga albumi "Iglika" i Vlladimir Kërparov, i cili prej dekadash jeton dhe krijon në Gjermani. Albumi përbëhet nga nëntë kompozime origjinale nga saksofonisti i famshëm bullgar. Disa nga pjesët do të interpretohen në vendin tonë në muajin prill, në koncertin e Vlladimirit me Big Band-in e BNR-së, për të cilin ai po përgatitet shumë. Ja dhe një pjesë nga albumi i ri - "Valle Kamelino", me urime për festa të bukura dhe të qeta, shëndet dhe shumë takime të tjera në hapësirën e quajtur Radio Bullgaria.
Përgatiti në shqip: Kostandina Bello


Последвайте ни и в Google News Showcase, за да научите най-важното от деня!

Më shumë nga rubrika

Me “Këngan e Alfabetit” interpretuar nga Formacioni “Radiodeca”, BNR dërgon një urim për 24 Majin

Radioja Kombëtare Bullgare (BNR) prodhoi, incizoi dhe filmoi një video të "Këngës së Alfabetit" të realizuar nga Grupi Vokal "Radiodeca". Kjo është një përshëndetje për të gjithë bullgarët në mbarë botën me rastin e 24 Majit - Ditës së Vëllezërve..

botuar më 24-05-24 10.16.PD

Kënga popullore bullgare “Rajna” – pjesë e Projektit “Ura mes kulturave”

Folklori bullgar preokupon prej kohësh muzikantë nga e gjithë bota me veçantinë dhe mundësitë e tij të pashtershme. Një shembull tjetër i një prirjeje të tillë është bashkëpunimi mes muzikantëve Daniell Verstapen dhe Nina Nikolina. Në dy koncertet e..

botuar më 24-05-24 6.10.PD

Dimitër Gugov dhe mishërimet e tamburasë së tij në muzikën etno, rok dhe klasike

Tambura nuk është aspak vegla muzikore më popullore e zgjedhur nga instrumentistët për të performuar në skenat botërore. Të luash tambura në mënyrë moderne, me repertor në zhanre dhe stile të ndryshme, nuk është punë për amatorët. Për ta zbutur këtë..

botuar më 24-05-23 6.10.PD