Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Mjalti bullgar ka çmimin më të ulët të blerjes në Evropë, paralajmërojnë prodhuesit

Etiketa e produktit duhet të tregojë origjinën e tij

Foto: Pixabay

Etiketa e mjaltit duhet të tregojë vendin në të cilin është nxjerrë produkti, thuhet në një kërkesë të re të një urdhërese të Këshillit të Ministrave. Qëllimi është mbrojtja e shëndetit dhe e të drejtave të konsumatorëve, si dhe lehtësimi i aksesit në produkte me cilësi të lartë. Dokumenti përcakton gjithashtu karakteristikat e mjaltit - ai nuk mund të përmbajë aditivë ushqimorë.

Bletarët e mirëpresin masën e origjinës, por i bëjnë thirrje Agjencisë Bullgare të Sigurisë Ushqimore të forcojë kontrollin, pasi mjalti i lirë dhe me cilësi të ulët shpesh importohet nga vendet jashtë Bashkimit Evropian, i cili ripaketohet dhe shitet si bullgar. Në të njëjtën kohë, “Bletarët e lirë bullgarë” – organizata më e madhe në këtë degë me struktura në 18 komuna, bëri të ditur se problemet në sektor janë të mëdha. Duhen ndryshime urgjente nga specialistë kompetentë për të ndërhyrë dhe për të menaxhuar në mënyrë adekuate, paralajmërojnë prodhuesit e mjaltit.

Bletarët nxjerrin në pah një kërcënim serioz ekologjik me pasoja afatgjata, siç është leja e përkohshme për përdorimin e pesticideve neonikotinoide në Bullgarinë Veriore. “Në këtë rast bëhet fjalë për jetën dhe shëndetin jo vetëm të bletëve, por edhe të njerëzve. Dhe ne si organizatë bletari dalim të mbrojmë si interesat e bletarëve bullgarë ashtu  edhe të qytetarëve bullgarë”, thotë Jasen Janev, kryetar i organizatës së bletarëve. Sipas tij, arsyeja e përjashtimit të lejuar me pesticidet e ndaluara është paaftësia e prodhuesve të drithërave për t’u marrë me hundëgjatëve të misrit dhe lulediellit. 

“Farat e trajtuara me pesticide të tilla bien në tokë - shpjegon bletari. - Qëndrueshmëria e pesticideve është të paktën 19 vjet dhe ne mund t’i marrim përmes ujit, ushqimit, ajrit. Në të njëjtën kohë, ato janë të tretshme në ujë gjatë gjithë gjatësisë së bimës. Dhe kur bletët marrin nektarin nga luledielli ose polenin nga misri, ato ngordhin.

Një problem tjetër që raportojnë bletarët është çmimi jashtëzakonisht i ulët i blerjes së mjaltit, ndonëse përdoruesit përfundimtarë blejnë një kilogram të eliksirit të bletës për 12-15 leva.

“Për momentin po bëhen manipulime të mëdha për këtë çmim – thekson Jasen Janev. - Fjala është për çmimin e blerjes së mjaltit 4.50-4.80 leva për shkak të spekulatorëve që abuzojnë me punën e bletarëve. Prandaj, përmes një letre drejtuar presidentit, po i drejtohemi institucioneve përkatëse – Ministrisë së Ekonomisë, Komisionit për Mbrojtjen e Konsumatorit, me pyetjen se a ka kartel në vendin tonë. Përgjigjet e marra do t’i paraqesim në Komisionin Evropian për Bujqësi dhe në Prokurorinë Evropiane, pasi kjo që po ndodh është krim kundër popullit bullgar. Është e pashpjegueshme pse ne kemi çmimin më të ulët të blerjes, duke qenë se nuk është i njëjtë në Rumani, Serbi, Greqi, Turqi, madje edhe në Gjeorgji dhe Azerbajxhan – në anën tjetër të Detit të Zi”.

Në letrën e tyre drejtuar kreut të shtetit, prodhuesit kërkojnë që Ministria e Bujqësisë të ndryshojë urgjentisht Këshillin Konsultativ të Bletarisë dhe në të ardhmen komuniteti akademik të përcaktojë politikën në këtë sektor. Ata gjithashtu duan të marrin informacion për strukturat që kanë thithur miliona leva për të reklamuar mjaltin bullgar. “Nuk është e mundur që disa njerëz të dalin dhe të flasin pa kuptim në media përgjithmonë”, argumentoi Jasen Janev. Dhe i bën një sfidë gazetarëve – kur në “Fletoren e Shtetit” botohet rregullorja e re e Këshillit të Ministrave, të shkojnë së bashku për të kontrolluar për t’u siguruar që edhe atëherë do të ofrohet glukozë në vend të mjaltit të pastër.

Përpilues: Diana Cankova (sias intervistës së Vanja Sllavova nga BNR, Varna)

Përgatiti në shqip: Svetllana Dimitrova

Foto: Pixabay



Последвайте ни и в Google News Showcase, за да научите най-важното от деня!

Më shumë nga rubrika

Të Enjten e Madhe rijetojmë ditët e fundit tokësore të Shpëtimtarit

Të Enjten e Madhe, të krishterët ortodoksë rijetojnë ditët e fundit të jetës tokësore të Jezu Krishtit dhe kujtojnë vuajtjet, vdekjen dhe varrimin e Tij.Besimtarët nderojnë ngjarjet rreth Darkës së Fundit të Shpëtimtarit me apostujt dhe profecinë e..

botuar më 24-05-02 11.31.PD

Një vendim për një spital privat për fëmijë trazoi shoqërinë

Diskutime të ashpra në shoqëri shkaktoi një vendim i qeverisë nga mbledhja e 30 prillit për t'i dhënë dritën jeshile ndërtimit të spitalit të përgjithshëm privat "Mama dhe unë" me mbi 400 shtretër. Institucioni mjekësor, i cili përfshin një..

botuar më 24-05-01 4.21.MD

Dita e 1 majit - për tregun e punës në Bullgari dhe ndikimin e inteligjencës artificiale

Më shumë se 30 vjet, pas ndryshimeve demokratike në vendin tonë në vitin 1989,  Dita e 1 Majit vazhdon të jetë festë zyrtare dhe ditë pushimi, por autoritetet shtetërore nuk janë më të përfshira në organizimin e manifestimeve masive, siç ka qenë në të..

botuar më 24-05-01 7.00.PD