Sekretari i klubit kulturor bullgar “Mbreti Boris III” në Ohër është rrahur mbrëmë dhe me nofullën e thyer është dërguar në spital, informoi Agjencia Telegrafike Bullgare (BTA). Është konstatuar se kanë qenë tre sulmues dhe janë identifikuar. Në përgjigje të sulmit, eurodeputeti bullgar Andrej Kovaçev bëri thirrje në profilin e tij në Facebook për t'i dhënë fund dhunës, urrejtjes dhe diskriminimit. “Pres një përgjigje të menjëhershme nga autoritetet në të dyja vendet! Kjo situatë është e patolerueshme”, ka theksuar Kovaçev duke shtuar se këtë atmosferë urrejtjeje e ka krijuar klasa politike, mediat dhe rrethet akademike. Kovaçev ka biseduar në telefon me ministrin e punëve të jashtme të Republikës së Maqedonisë së Veriut, Bujar Osmani.
Si kundërpërgjigje ndaj sulmit brutal, në faqen e klubit kulturor bullgar “Ivan Mihajllov” në Manastir shkruan se po të quhesh bullgar në Maqedoni kjo do të thotë sulme barbare dhe rrahje. "Tani sulmuesit do t'i dënojnë me kusht si Lambe (Alabakovski) dhe sulmet do të vazhdojnë edhe më të egra!" Është koha që Bullgaria të kujdeset për bullgarët që nuk jetojnë në vendlindje!”, kanë shkruar përfaqësuesit e klubit në Manastir.
Vallë, a është qeveria në detyrë në të vërtetë një qeveri teknike? Kjo është pyetja që bullgarët ia bëjnë vetes pasi Dimitër Gllavçev, i propozuar për ushtrues detyre kryeministër, prezantoi përbërjen personale të kabinetit, në të cilin ka një..
Mundësitë për përmirësimin e marrëdhënieve bilaterale mes Bullgarisë dhe Kosovës ishin në fokus të takimit të kryeministrave të Bullgarisë dhe Kosovës, Dimitër Gllavçev dhe Albin Kurti. Bashkëbiseduesit shprehën kënaqësinë për marrëdhëniet aktive..
Kryeministri në detyrë Dimitër Gllavçev i propozoi presidentit Rumen Radev ndryshim të përbërjes së kabinetit zyrtar, njoftoi shërbimi qeveritar i shtypit. Pas bisedimeve me kryeministrin në detyrë dhe propozimeve prej tij në bazë të Nenit 99..