Radioja Kombëtare Bullgare (BNR) feston 88-vjetorin e lindjes. Data lidhet me nënshkrimin, në vitin 1935, të një dekreti me të cilin Mbreti Boris III miratoi Urdhëresën-Ligji për Radion dhe e ktheu transmetimin radiofonik në pronë shtetërore.

Me këtë rast, në një ceremoni solemne mbrëmjen e sotme, u ndanë çmimet e 23-ta “Sirak Skitnik” për kontribut të rëndësishëm në zhvillimin e medias publike. Radio Bullgaria u prezantua me tre nominime.

• Radio Bullgaria pret ditëlindjen e 88-të të Radios Kombëtare Bullgare me tre nominime për çmimin “Sirak Skitnik”

Sivjet, me çmimin e madh "Sirak Skitnik" për kontribut në zhvillimin e medias publike u shpërblye Emill Janev, prezantues i emisionit "Tramvaji sipas dëshirës" në programin "Hristo Botev".

Krahas çmimit që mban emrin e drejtorit të parë të BNR, u ndanë edhe çmimet vjetore për radio-gazetari.

Në kategorinë “Transmetim radiofonik, projekt radiofonik, projekt multimedial”, Këshilli i Mediave Publike ia dorëzoi çmimin ekipit të BNR-Burgas.

Çmimi individual për radio-gazetari, prani të jashtëzakonshme para mikrofonit dhe mbrojtje të ideve dhe qëndrimeve që kontribuuan në vendosjen e autoritetit të BNR-së në vitin 2022 e u mor nga ekipi i BNR që transmetonte përmbytjet e mëdha dhe pasojat e tyre në rajonin e Plovdivit: ekipi informativ i Radio Plovdivit, korrespondentja e BNR Kremena Daneva dhe reporterja e programit "Horizont" Evelina Stojanova.

Ju kujtojmë se vitin e kaluar "Radio Bullgaria" ishte fituesi i çmimit të madh "Sirak Skitnik" - për podkastin e përditshëm "Bullgaria sot" në 9 gjuhë.

• Radio Bullgaria fitoi çmimin e madh për kontribut të rëndësishëm në zhvillimin e Radios Kombëtare Bullgare