Sonte, më 31 janar, dy artistë premtues do të prezantohen sërish bashkë në një klub të kryeqytetit që ofron skenën e tij për muzikantët e rinj. Këta janë Annie V dhe Nikolla Simeonov.

• Nikola nga Cool Den: “Muzika gjithmonë duhet të jetë organike dhe e natyrshme”

Anna dhe Nikolla këndojnë së bashku që nga viti 2016. Ata u takuan në një festival akustik në Sofje, organizuar nga miku i tyre i përbashkët. Interpretojnë soul, blues, rock, pop, reggae, funk, ska dhe shumë stile të tjera dhe vitet e fundit janë fokusuar në muzikën prej autori.

Të dy punojnë gjithashtu në mënyrë të pavarur me shumë sukses. Në vitin 2018, Nikolla krijoi grupin e tij Cool Den, me të cilin tashmë realizuan dy albume.

• “Cool Den” prezanton albumin e tyre të dytë “This Land”

Në vitin 2021, Annie V (Anna-Maria Vërtovska) realizoi albumin e saj debutues solo, mbështetur nga Fondi Kulturor i “Muzikautor” në kuadrin e programit “Autor i Ri”. Anna-Maria shkruan tekstet, muzikën dhe është autore e aranzhimeve të të gjitha këngëve të albumit të quajtur “Station Unknown”. Në këngën me të njëjtin emër merr pjesë edhe Nikolla duke luajtur kitarë.

Një nga 12 këngët e albumit solo të Annie V është “Try”, në të cilën përveç zërit të ngrohtë të këngëtares, dëgjojmë edhe pianon e Martin Stojanov - Martist. Kënga ka një video me stil – shikoni:

Përgatiti në shqip: Svetllana Dimitrova