Ministri i mbrojtjes Dimitër Stojanov merr pjesë në takimin dyditor (14-15 shkurt) të ministrave të mbrojtjes të vendeve anëtare të NATO-s në Bruksel. Sipas qendrës së shtypit të Ministrisë së Mbrojtjes, sot, më 14 shkurt, menjëherë para ngjarjes, ministri Stojanov do të marrë pjesë në takimin e Grupit të Kontaktit për Ukrainën, së bashku me shefin e mbrojtjes, admiralin Emill Eftimov.
Ndër aksentët kryesorë të ngjarjes është forcimi i potencialit parandalues dhe mbrojtës të Aleancës në kuadër të përgatitjeve për samitin e ardhshëm në Vilnius në korrik të këtij viti, si dhe miratimi i “Udhëzimeve Politike – 2023” për ciklin e ri të planifikimit të mbrojtjes në Aleancë. Do të diskutohen gjithashtu masat për të forcuar mbështetjen e vendeve partnere - Bosnjë dhe Hercegovinës, Moldavisë dhe Gjeorgjisë.
Në kuadrin e takimit do të mbahet gjithashtu një seancë pune jozyrtare me ministrat e mbrojtjes të Finlandës, Suedisë dhe Ukrainës dhe Përfaqësuesin e Lartë të BE-së për Punët e Jashtme dhe Politikën e Sigurisë, Josep Borrell, e cila do të fokusohet në luftën në Ukrainë dhe mbështetjen për të. Të hënën, Sekretari i Përgjithshëm i NATO-s, Jens Stoltenberg pranoi se Ukraina përdor më shumë municion sesa prodhojnë vendet e bllokut, ndërsa Rusia shfrytëzoi tashmë katër herë më shumë në ofensivën e saj. Sipas tij, çështja e dërgimit të avionëve luftarakë në Ukrainë nuk është më urgjente për momentin. Sot, para fillimit të takimit të ministrave të mbrojtjes të Paktit në Bruksel, Stoltenberg saktësoi se diskutimi i çështjes vazhdon dhe kujtoi se detyra më e rëndësishme për momentin është sigurimi i armatimit të rëndë të nevojshëm për Ukrainën - mbrojtje kundërajrore moderne dhe municione që mund të ndryshojnë situatën në fushën e betejës.
Televizioni Kombëtar Bullgar dhe Radioja Kombëtare Bullgare janë liderë për sa i përket besimit në lajmet në mesin e 15 mediave kryesore bullgare, me respektivisht 60% dhe 59% besim. Kjo është sipas raportit vjetor për 2024 të Institutit Reuters në..
Bullgaria do të vazhdojë të mbështesë perspektivën evropiane të Malit të Zi, konfirmoi presidenti Rumen Radev pas takimit me homologun e tij malazez Jakov Milatoviq në qytetin Cetine, kryeqyteti historik dhe kulturor i Malit të Zi. Duke..
GERB - SDS ftoi partitë e parlamentit të ri për takime. Për të diskutuar mbi formimin e qeverisë dhe temat kryesore publike, në orën 13:00 janë të ftuar deputetët e Lëvizjes për të Drejta dhe Liri (DPS), në orën 15:00 - "Po e vazhdojmë ndryshimin -..
GERB - SDS ftoi partitë e parlamentit të ri për takime. Për të diskutuar mbi formimin e qeverisë dhe temat kryesore publike, në orën 13:00 janë të..
Takimi i nëntëmbëdhjetë botëror i mediave bullgare, i organizuar nga Agjencia Telegrafike Bullgare (BTA), do të mbahet nga 18 deri më 21 qershor në 3..
Presidentja e sapozgjedhur e Maqedonisë së Veriut, Gordana Siljanovska, ka njoftuar në Facebook se ka pasur një takim me kryeministrin bullgar..